قر بٸلٸم جەنە عىلىم ۆيتسە-مينيسترٸ ميراس دەۋلەنوۆ بيىلعى ۇلتتىق بٸرىڭعاي تەست تاپسىرۋ فورماتىنا ەنگٸزٸلگەن ٶزگەرٸستەر جايىندا ايتتى, دەپ حابارلايدى قازاقپارات.
«بٸزدە تەستٸلەۋ ۇزاقتىعى 4 ساعاتتى, ياعني 240 مينۋتتى قۇرايدى. وسى ورايدا مىنا جايتتارعا نازار اۋدارعىم كەلەدٸ. بۇرىندارى بٸز جاۋاپتاردى تولتىرۋعا, بوياۋعا, تەستٸلەۋدٸڭ ٶزٸن ۇيىمداستىرۋعا, ياعني, بارلىعىنىڭ اۋديتورييادا وتىرۋىنا ۋاقىت بٶلەتٸنبٸز. ال بٷگٸندە ۇبت تاپسىرۋعا كٸرٸسەتٸن مەكتەپ تٷلەگٸندە 240 مينۋت بولادى. دەمەك, ول «تەستٸلەۋدٸ باستاۋ» تٷيمەشەگٸن باستاعان سەتتەن باستاپ تەست تاپسىرادى. سوعان وراي تٷلەك باسقا تٷلەكتەردٸڭ ۋاقىتىنا قاراماستان تەست تاپسىرۋعا كٸرٸسٸپ, بٸتكەن سوڭ «تەستٸلەۋدٸ اياقتاۋ» تٷيمەشەگٸن باسادى», - دەدٸ ول مينيسترلٸكتٸڭ اپپارات جينالىسىندا.
ونىڭ اتاپ ٶتۋٸنشە, ۇبت بارىسىندا تٷلەك قاتە جٸبەرگەن جاۋاپتارىن تٷزەتۋگە دە مٷمكٸندٸك الادى.
«ۇبت-نى قاعاز تٷردە ٶتكٸزۋدەن ەلەكتروندى فورماتتا تاپسىرۋدىڭ تاعى بٸر باسىمدىعى جاۋاپتى ٶزگەرتۋگە بولادى. قاعاز تٷرٸندە جاۋاپ بويالعاننان كەيٸن ونى ٶزگەرتۋ مٷمكٸن ەمەس. ال ەلەكتروندى فورماتتا تٷلەك قانداي دا بٸر تاپسىرمانىڭ دۇرىس جاۋابىن تاپسا, قانداي دا بٸر اقپاراتتى ەسكە تٷسٸرسە, وندا سۇراققا قايتا ورالىپ, جاۋابىن ٶزگەرتە الادى. ونىڭ ٷستٸنە ٶزگەرتٸلگەن جاۋاپ ۇبت اياقتالعاننان سوڭ جەنە ساقتالعاننان كەيٸن دە جازىلادى», - دەدٸ ۆيتسە-مينيستر.
