تٶتەنشە جاعدايلار مينيسترلٸگٸ اقمولالىق تج لاۋازىمدى قىزمەتكەرلەرٸنٸڭ زاڭسىز ويىن بيزنەسٸن ۇيىمداستىرۋىنا قاتىستى جاعدايدى ەرەكشە باقىلاۋعا الدى, دەپ حابارلايدى "ۇلت اقپارات".
ەسكە سالا كەتسەك بٷگٸن اقمولا وبلىسى تٶتەنشە جاعدايلار دەپارتامەنتٸنٸڭ لاۋازىمدى تۇلعالارى ەل اۋماعىندا زاڭسىز ويىن بيزنەسٸن ۇيىمداستىردى دەگەن كٷدٸككە ٸلٸنگەنٸ حابارلاعان بولاتىن.
تٶتەنشە جاعدايلار مينيسترلٸگٸ بۇل جاعداي ەرەكشە باقىلاۋدا ەكەنٸن جارييا ەتتٸ.
«30 قاراشا كٷنٸ ەكونوميكالىق تەرگەۋ دەپارتامەنتٸنٸڭ ماماندارى تج دەپارتامەنتٸنٸڭ قىزمەتكەرٸن «زاڭسىز ويىن بيزنەسٸن ۇيىمداستىردى» (ينتەرنەت-كازينو) دەگەن كٷدٸكپەن ۇستاپ, 2 جەلتوقسان كٷنٸ بوساتتى. قازٸر ول ٸسكە قاتىستى سوتقا دەيٸنگٸ تەرگەۋ امالدارى جٷرگٸزٸلۋدە. تج دەپارتامەنتٸنٸڭ قىزمەتكەرٸ ازاماتتىق قورعاۋ ورگاندارىندا 2002 جىلدان باستاپ جۇمىس ٸستەپ كەلەدٸ», - دەپ حابارلادى مينيسترلٸكتٸڭ باسپاسٶز قىزمەتٸ.
سوتقا دەيٸنگٸ تەرگەۋ نەتيجەسٸنە بايلانىستى وسى قىزمەتكەرگە قاتىستى تەرتٸپتٸك جازا قابىلدانادى. تٸپتٸ تەرٸس قىلىقتارى ٷشٸن ولار قىزمەتٸنەن بوساتىلۋى مٷمكٸن.
