وبلىستا كادر تاپشىلىعىن شەشۋ ٷشٸن ەربٸر اۋدان, قالاداعى ەلدٸ-مەكەننەن قىزمەتتٸك تۇرعىن ٷي سالۋ قاجەت. بۇل تۋرالى بٷگٸن وڭتٷستٸك قازاقستان وبلىسىنىڭ ەكٸمٸ ج.تٷيمەباەۆ سەلەكتورلىق جيىندا ايتىپ, تيٸستٸ سالا باسشىلارىنا تەز ارادا قولعا الۋدى تاپسىردى, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
اۋدان, قالا ەكٸمدەرٸ مەن باسقارما باسشىلارىنىڭ قاتىسۋىمەن ٶتكەن مەجٸلٸستە شالعاي ەلدٸ مەكەندەردە ٶمٸر سٷرٸپ, مەملەكەتتٸك جەنە بيۋدجەتتٸك سالادا ورىن الاتىن كادر جەتٸسپەۋشٸلٸگٸ مەسەلەسٸ مەن ونىڭ شەشۋ جولدارى قارالدى.
ساپالى كادر دايىنداۋ زامان تالابى ەكەنٸن ايتقان ايماق باسشىسى ەربٸر قىزمەتكەرگە بارىنشا جاعداي جاساۋ قاجەتتٸگٸن جەتكٸزدٸ.
«بٸلٸكتٸ كادردى جۇمىسقا الۋ ٷشٸن وعان, ەڭ الدىمەن, ٷي مەسەلەسٸن شەشٸپ بەرۋٸمٸز كەرەك. سوندىقتان, وڭتٷستٸكتەگٸ ەربٸر اۋىلدىق وكرۋگتەن 20 پەتەرلٸ ەكٸ قاباتتى, ال اۋدان ورتالىعىنان 30-40 پەتەرلٸ كٶپقاباتتى تيپتٸك ٷلگٸدەگٸ تۇرعىن ٷي سالۋدى بيىلعى جىلدان قالماي قولعا الۋدى قۇرىلىس باسقارماسىنا تاپسىرامىن. وسى ارقىلى بٸز مامان تاپشىلىعىن جويىپ, ساپالى كادرعا قول جەتكٸزەمٸز دەپ ويلايمىن. مۇنان بٶلەك, جۇمىستىڭ ساپاسىن ارتتىرىپ, بٸلٸكتٸ كادرلار دايىنداۋ ٷشٸن روتاتسييالاۋ تەتٸگٸ ارقىلى وبلىس بويىنشا مامانداردى ٶزگە اۋداندارعا جۇمىسقا جٸبەرۋ تيٸمدٸ ەدٸس بولىپ تابىلادى», - دەدٸ ەكٸم.
سونىمەن قاتار, ٶڭٸر باسشىسى تۇرعىن ٷي سالۋ ارقىلى اۋدان ەكٸمدەرٸنٸڭ ينديكاتورلىق كٶرسەتكٸشٸن باعالايتىنىندا اتاپ ٶتتٸ.
جيىندا سٶز العان وبلىستىق بٸلٸم باسقارماسىنىڭ باسشىسى يساتاي ساعىندىقوۆ ٶڭٸردەگٸ 15 اۋدان, قالا ەكٸمدٸكتەرٸنەن جەنە سالالىق باسقارمالاردان 87 ماماندىق بويىنشا 14374 ورىنعا سۇرانىس كەلٸپ تٷسكەنٸن مەلٸم ەتتٸ.
«جاس مامانداردىڭ كٶپتەپ اۋىلدارعا ورالۋى, مەملەكەت تاراپىنان ٸسكە اسىرىلىپ جاتقان «جاستار پراكتيكاسى» مەن «ديپلوممەن اۋىلعا» باعدارلامالارىنىڭ نەتيجەسٸندە اۋىلدىق جەرلەردە كادر جەتٸسپەۋشٸلٸگٸ وڭ شەشٸمٸن تابۋدا دەسەك تە بولادى. الايدا شالعاي جەرلەردە ورنالاسقان مەكتەپتەردەگٸ مامان تاپشىلىعى ەلٸ دە ٶتكٸر مەسەلەلەردٸڭ قاتارىندا. مەسەلەن, وقۋ جٷكتەمەسٸنٸڭ از بولۋى, تۇرعىن ٷي مەسەلەسٸنٸڭ شەشٸلمەۋٸنە بايلانىستى پەداگوگتار اۋىلدارعا بارعىلارى كەلمەيدٸ», - دەدٸ باسقارما باسشىسى.
ال دەنساۋلىق ساقتاۋ سالاسىنداعى مامان تاپشىلىعى مەن تۇرعىن ٷيمەن قامتۋ مەسەلەسٸ ايقىن. مەسەلەن, باسقارما باسشىسى مۇقان ەگٸزباەۆتىڭ مەلٸمەتٸنشە, 2007-2016 جىلدار ارالىعىندا دەنساۋلىق ساقتاۋ باسقارماسى 1085 جاس ماماندى اۋىلدىق جەرلەرگە جۇمىسقا ورنالاستىرسا, اۋىل ەكٸمشٸلٸگٸ تاراپىنان 293 جاس مامان تۇرعىن ٷيمەن قامتىلعان. ال دەل قازٸرگٸ تاڭدا دەنساۋلىق ساقتاۋ باسقارماسىنا قاراستى مەديتسينالىق ۇيىمداردا جالپى 265 مامان, ونىڭ ٸشٸندە 157 مامان اۋىلدى جەرگە قاجەت. سونداي-اق, وبلىستىڭ باس دەرٸگەرٸ اۋىلدى جەرلەردە جۇمىس اتقارىپ وتىرعان 180 مامان تۇرعىن ٷيگە مۇقتاج ەكەنٸن ايتىپ, دەسە دە مەملەكەتتەن جاس ماماندارعا بٸرشاما قولداۋ كٶمەك بەرٸلٸپ جاتقانىن مەلٸمدەدٸ.
«جاس ماماندارعا وبلىستىق بيۋدجەتتەن 100 مىڭ تەڭگە مٶلشەرٸندە اقشالاي ٶتەماقىلار مەن تٶلەمدەر تٶلەنٸپ كەلگەن. ەندٸ, سٸزدٸڭ باستاماڭىزبەن اۋىلدىق جەرگە جولداناتىن ەر مامانعا بٸر رەتتٸك 1 ميلليون تەڭگە تٶلەنەدٸ جەنە 5 جىل ٸشٸندە قايتىپ كەتكەن جاعدايدا جاس مامان بيۋدجەتكە قايتارۋ كەرەك بولادى. مۇنداي تىڭ جوبا ەلٸمٸز بويىنشا وڭتٷستٸك قازاقستاندا العاش بولىپ جٷزەگە اسىرىلىپ وتىر», - دەدٸ م.ەگٸزباەۆ.
وسى رەتتە, وبلىس ەكٸمٸنٸڭ ەلدٸ مەكەندەردە كٶپ قاباتتى تۇرعىن ٷي سالۋ يدەياسى جوعارىدا ايتىلعان مەسەلەلەردٸڭ رەت-رەتٸمەن شەشٸلۋٸنە مۇرىندىق بولارى سٶزسٸز.
سەلەكتورلىق جيىننىڭ كٷن تەرتٸبٸندە قارالعان كەزەكتٸ تاقىرىپ - جەرگٸلٸكتٸ اتقارۋشى ورگاندار قىزمەتٸنٸڭ تيٸمدٸلٸگٸن باعالاۋ نەتيجەلەرٸ بولدى. وندا ەكٸم بارشا مەملەكەتتٸك قىزمەتكەرلەر مەن اۋدان,قالا ەكٸمدەرٸنە جەنە باسقارما باسشىلارىنا ەدەپ نورمالارىن ساقتاۋدى باسشىلىقتان باستاۋدى تاپسىردى.
