دۋبايداعى Caesars Palace Dubai ارەناسىندا كەسٸپقوي بوكس كەشٸ ٶتتٸ. وندا قازاقستاندىق بوكسشى تۇرسىنباي قۇلاحمەت (2-0, 1 كو) WBC International چەمپيونىنىڭ بەلبەۋٸن سەتتٸ قورعادى, دەپ حابارلايدى Sports.kz cايتى.
ول ۆەنەسۋەلالىق ەبەر روندونمەن (20-0, 13 كو) تيتۋلدى جەكپە-جەك ٶتكٸزدٸ.
ايقاس 10 راۋندقا سوزىلادى دەپ كٷتٸلگەن بولاتىن. نەتيجەسٸندە بٸرٸنشٸ راۋندتا تۇرسىنباي قۇلاحمەت قارسىلاسىن نوكاۋتقا جٸبەردٸ.
ونىڭ الدىندا عانا ەبەر روندون بٸر مەرتە نوكداۋن العان ەدٸ. قازاقستاندىق بوكسشىنىڭ جەڭٸسكە جەتۋٸنە نەبەرٸ 70 سەكۋند كەرەك بولدى.
وسىلايشا تۇرسىنباي قۇلاحمەت كەسٸپقوي بوكس كارەراسىنداعى ەكٸنشٸ جەڭٸسٸنە قول جەتكٸزدٸ. ال روندون ٷشٸن بۇل - سپورت جولىنداعى اڭ العاشقى جەڭٸلٸس.
ايتا كەتەيٸك, مۇنىڭ الدىندا تۇرسىنباي قۇلاحمەت ٶتكەن جىلدىڭ قاراشاسىندا بريتاندىق بوكسشى ماكولەي ماكگوۋەندٸ (14-2-1, 3 كو) جەڭٸپ, WBC بەلبەۋٸن يەلەنگەن بولاتىن.
