تٷرٸك كەڭەسٸنٸڭ 10 جىلدىعىنا وراي تٷركسوي جاستار كامەرالىق وركەسترٸنٸڭ كونتسەرتٸ تٷركٸستان قالاسىندا باستالماق.
اتالمىش شارانى قر مەدەنيەت جەنە سپورت مينيسترلٸگٸ, تٷركسوي حالىقارالىق ۇيىمى, تٷركٸستان وبلىسى ەكٸمدٸگٸ بٸرلەسٸپ ۇيىمداستىرادى. بۇل تۋرالى جاستار رەسۋرستىق ورتالىعىندا ٶتكەن باسپاسٶز-مەسليحاتىندا تٷركسوي حالىقارالىق ۇيىمىنىڭ باس حاتشىسى دٷيسەن قاسەيٸنوۆ مەلٸمدەدٸ.
«ٶزدەرٸڭٸزگە بەلگٸلٸ, حالىقارالىق تٷركسوي ۇيىمى 2017 جىلى تٷركٸستان قالاسىن «تٷركٸ ەلەمٸنٸڭ مەدەني استاناسى» ەتٸپ جارييالاعان بولاتىن. ٶتە جوعارى دەڭگەيدە ٶتكەن بۇل حالىقارالىق ٸرٸ جوبانىڭ ٸزٸن سۋىتپاي, ٶتكەن جىلى ەلباسىمىزدىڭ باستاماسىمەن وبلىس اتاۋى «تٷركٸستان وبلىسى» بولىپ ٶزگەرتٸلٸپ, وبلىس ورتالىعى تٷركٸستان قالاسىنا كٶشٸرٸلدٸ. قر تۇڭعىش پرەزيدەنتٸ, ەلباسى نۇرسۇلتان نازارباەۆ ٶزٸنٸڭ «ۇلى دالانىڭ جەتٸ قىرى» ماقالاسىندا «جاڭا وبلىس ورتالىعى رەتٸندە تٷركٸستاندى دامىتۋ بارىسىندا ونىڭ حالىقارالىق ارەناداعى بەدەلٸن جٷيەلٸ تٷردە ارتتىرۋ قاجەت» دەگەن بولاتىن. بٸزدٸڭ ۇيىم وسى ماقساتتا ٶتكەن جىلى دا جاڭا اشىلعان وبلىس ورتالىعىندا بٸرنەشە شارا ۇيىمداستىرعان ەدٸ. بيىل دا سول دەستٷرٸمٸزدٸ جالعاستىرىپ, تٷركسوي جاستار كامەرالىق وركەسترٸنٸڭ كەزەكتٸ كونتسەرتتٸك تۋرنەسٸن 2017 جىلعى «تٷركٸ ەلەمٸنٸڭ مەدەني استاناسى» – تٷركٸستان قالاسىنان باستاپ وتىرمىز», – دەدٸ باس حاتشى د.قاسەيٸنوۆ.
وتاندىق جەنە شەتەلدٸك ٶنەرپازداردىڭ قاتىسۋىمەن ٶتەتٸن كونتسەرتتٸڭ بارىسى مەن ماقساتىنا ارنالعان باسپاسٶز كونفەرەنتسيياسىنا رەسەيدٸڭ ەڭبەك سٸڭٸرگەن ەرتٸسٸ سالاۆاتوۆ رەنات سالاۆاتۇلى, قر ەڭبەك سٸڭٸرگەن قايراتكەرٸ, ديريجەر اقباروۆ انۆار اسقارۇلى, ەزەربايجان ەلٸنەن كەلگەن ديريجەر, حالىقارالىق بايقاۋلاردىڭ لاۋرەاتى مەحمەنداروۆ مۇستافا ەدٸلوگلۋ دا قاتىستى.
كونتسەرتتٸك باعدارلاما قازاقستاننىڭ تٷركٸستان, شىمكەنت, تاراز, الماتى قالالارىندا, قىرعىزستاننىڭ بٸشكەك جەنە ەزەربايجاننىڭ باكۋ قالالارىندا جالعاساتىن بولادى.
بٷگٸنگە دەيٸن قۇرامىندا 10 ەلدٸڭ 100-دەن استام تالانتتى جاستارى ٶنەر كٶرسەتكەن وركەسترگە بۇل جولى تاتارستاننان رەنات سالاۆاتوۆ, قازاقستاننان انۆار اكباروۆ, ەزەربايجاننان مۇستافا مەحمەنداروۆ ديريجەرلٸك ەتەتٸن بولادى.
اتالعان قالالار مەن شەتەلدەگٸ كونتسەرت 27 تامىز – 9 قىركٷيەك كٷندەرٸ ارالىعىندا ٶتەدٸ.
