تٷركييا پرەزيدەنتٸ رەجەپ تايىپ ەردوعان ورمان ٶرتتەرٸنەن زارداپ شەككەن ەل ٶڭٸرلەرٸن اپات ايماقتارى دەپ جارييالادى. بۇل تۋرالى Anadolu اگەنتتٸگٸ حابارلادى.
تٷركييادا بٸرنەشە كٷننەن بەرٸ ورمان ٶرتتەرٸ ٶرشٸپ تۇر.
ٶرت سٶندٸرۋ قىزمەتتەرٸنٸڭ كٷشٸمەن تٷركييادا 98 ورمان ٶرتٸ وشاعىنىڭ 88-ٸ اۋىزدىقتالدى. بۇل تۋرالى سەنبٸ كٷنٸ ەلدٸڭ ورمان جەنە اۋىل شارۋاشىلىعى مينيسترٸ بەكٸر پاكدەميرلي مەلٸم ەتتٸ.
«28-31 شٸلدە ارالىعىندا تٷركييا اۋماعىندا 98 ورمان ٶرتٸ تٸركەلدٸ, ولاردىڭ 88-ٸ ٶشٸرٸلدٸ. 10 اۋداندا ٶرتتٸ سٶندٸرۋ بەلسەندٸ تٷردە جٷرگٸزٸلۋدە», - دەپ حابارلادى مينيستر.
مينيستر اتاپ ٶتكەندەي, ونىڭ بٸرەۋٸ ادانا پروۆينتسيياسىندا, ٷشەۋٸ انتاليادا, ٷشەۋٸ مەرسيندە, ەكەۋٸ مۇعلادا, بٸرەۋٸ وسمانييادا.
ورمان ٶرتتەرٸن سٶندٸرۋگە 45 تٸكۇشاق, 6 ۇشاق, مىڭداعان ٶرت سٶندٸرۋ كٶلٸگٸ جۇمىلدىرىلعان.
