تٷركييالىق كەسٸپكەر حۋسەيين ارسلان قازاق ەلٸنە مەديتسينالىق قۇرال-جابدىقتار جولدادى, دەپ حابارلايدى "ۇلت اقپارات" «حابار 24» تەلەارناسىنا سٸلتەمە جاساپ.
جارتى توننالىق جٷكتٸڭ ٸشٸندە رەسمي مەكەمەلەردە قولدانىلاتىن جابدىقتار, 1000 دانا بەتپەردە, مەديتسينالىق قولعاپتار, كومبينەزوندار, ۆاكۋۋمدىق كٶزٸلدٸرٸكتەر جەنە 100 دانا تەرمومەتر سىندى زاتتار بار. اتالمىش جابدىقتار ەلٸمٸزدٸڭ دەنساۋلىق ساقتاۋ سالاسى مەن ارنايى مەكەمەلەردە قولدانىلاتىن بولادى.
جٷك تيەلگەن ۇشاق نۇر-سۇلتان قالاسىنا قوندى. قيىن كٷندە قول ۇشىن سوزعان تٷرٸك باۋىرلارىمىزدىڭ اتالمىش كٶمەگٸ ەلٸمٸزدٸڭ كوروناۆيرۋسپەن كٷرەسٸنە تىڭ سەرپٸن بەرەدٸ. ايتا كەتكەن جٶن, اتالمىش باۋىرلاستىق كٶمەك قر سىرتقى ٸستەر مينيسترلٸگٸ مەن Air Astana ەۋە كومپانيياسىنىڭ قولداۋىمەن انكارادان جٶنەلتٸلدٸ.
«قازاقستان – بٸزدٸڭ اتاجۇرتىمىز. تٸلٸمٸز, دٸنٸمٸز, قانىمىز بٸر باۋىرلاس حالىقپىز. قىسىلتاياڭدا قول ۇشىن سوزۋ ەدەا حولدينگٸ رەتٸندە بورىشىمىز دەپ بٸلەمٸز. مٷمكٸندٸگٸ بار ازاماتتاردى, ونىڭ ٸشٸندە ٸسكەر ادامداردى وسىنداي قولداۋ كٶرسەتۋگە شاقىرامىن. تۋىستىڭ تۋىستىعى, اعايىننىڭ اعايىندىعى قيىن كٷندە بٸلٸنەدٸ», - دەيدٸ تٷرٸك كەسٸپكەرٸ حۋسەيين ارسلان.
وسى ۋاقىتتا قازاقستاندا كوروناۆيرۋس ينفەكتسيياسىن جۇقتىرعاندار سانى 271-گە جەتتٸ.
