فوتو: سپورتتى دامىتۋ ديرەكتسيياسى
انتاليا قالاسىندا WKF كاراتەدەن ەرەسەكتەر اراسىنداعى Karate1 Premier League - Antalya 2024 تۋرنيرٸ اياقتالدى, دەپ حابارلايدى «ۇلت اقپارات» Kazinformعا سٸلتەمە جاساپ.
سپورتتى دامىتۋ ديرەكتسيياسىنان مەلٸم ەتكەنٸندەي, ەلەمدٸك رەيتينگٸدە ەر سالماق بويىنشا ٷزدٸك 32 سپورتشى عانا باق سىنايتىن اۋقىمدى جارىسقا 60 ەلدەن 400-گە جۋىق تاتامي شەبەرٸ جينالدى. قازاقستاننان 14 كاراتەشٸ قاتىسىپ, ەكٸ التىن, ٷش قولا جٷلدەگە يە بولدى.
كۋميتە باعدارلاماسىندا مٶلدٸر جاڭبىرباي (50 كگ) التىن ولجالاسا, بەللا ساماشەۆا 55 كەلٸگە دەيٸنگٸ سالماقتا قارسىلاس شاق كەلتٸرمەدٸ.
سونداي-اق ازييا ويىندارىنىڭ چەمپيونى نۇرقانات ەجٸقانوۆ 75 كەلٸگە دەيٸنگٸ سالماقتا قولا جٷلدەنٸ جەڭٸپ الدى. نۇرقانات العاشقى اينالىمدا فرانتسييا ٶكٸلٸن, كەيٸن كۆەنتين ماحودەندٸ (بەلگييا) تٸزە بٷكتٸرٸپ, شيرەك فينالدا تٷركييالىق يۋرۋر ومەر فارۋككە ەسە جٸبەردٸ. ٷشٸنشٸ ورىن ٷشٸن بەسەكەدە فرانتسييالىق ەنتسو بەرتوندى ۇتتى.
وسىعان دەيٸن ازييا ويىندارىنىڭ قولا جٷلدەگەرٸ, ازييا چەمپيونى ەسەل قاناي مەن توكيو وليمپياداسىندا ولجا سالعان سوفيا بەرۋلتسەۆا ٷزدٸك ٷشتٸككە ٸلٸككەن ەدٸ.
«حالىقارالىق جارىستاردا قازاقستاننىڭ ەنۇرانىن شىرقاتۋ ٷشٸن كٶپ كٷش جۇمسايسىڭ. مەن باقىتتىمىن, بٸرٸنشٸ ورىن الدىم. سپورتشىنىڭ تۇعىرعا شىعىپ, قولىن جٷرەگٸنٸڭ تۇسىنا قويىپ, ٶز ەلٸنٸڭ ەنۇرانىن ورىنداۋ – ٷلكەن باقىت. وسى كەزدەگٸ سەزٸمدٸ سٶزبەن ايتىپ جەتكٸزۋ مٷمكٸن ەمەس. مەنٸ قولداعان ەربٸر جانعا العىس بٸلدٸرەمٸن! العا, قازاقستان!», - دەدٸ جارىستان كەيٸن مٶلدٸر جاڭبىرباي.
ەسكە سالا كەتەيٸك, بۇدان بۇرىن سوفيا بەرۋلتسەۆانىڭ تٷركيياداعى تۋرنيردە قولا جٷلدەنٸ جەڭٸپ العانىن جازعان بولاتىنبىز.
