15 قاراشاداعى جاعداي بويىنشا تٷركييادا ەكٸنشٸ رەت ۆاكتسينا سالدىرعاندار سانى 80% قۇرايدى, ال بٸرٸنشٸ رەت العاندار سانى 89,9%-ى قۇراعان, دەپ حابارلايدى قازاقپارات تٸلشٸسٸ انادولى اگەنتتٸگٸنە سٸلتەمە جاساپ.
تٷركييادا ٶتكەن تەۋلٸكتە COVID-19-عا 346 مىڭ 642 ادام تەست تاپسىرىپ, سونىڭ ٸشٸندە 21 مىڭ 624 ادامنىڭ تەستٸ وڭ نەتيجە بەرگەن. 189 ادام كٶز جۇمىپ, جازىلعاندار سانى 20 مىڭ 550 ادامدى قۇراپ وتىر. مەملەكەت تۇرعىندارى تولىقتاي ۆاكتسينامەن قامتىلعان. دوزا سانى 118 ميلليونعا ارتقان. تٷركييانىڭ ەكٸنشٸ رەت ۆاكتسيناتسييالانعان پروۆينتسييالارى - وردۋ, اماسيا, مۋگلا, وسمانيە, كىركلارەلي, چاناككالە, ەسكيشەحير, بالىكەسير, زونگۋلداك پەن بۋردۋر. ەلدٸڭ دەنساۋلىق ساقتاۋ مينيسترٸ ف. كودجا ەلەۋمەتتٸك جەلٸدەگٸ جەكە اككاۋنتىندا حالىقتى ۆاكتسينا سالدىرۋعا شاقىردى.
«ۆاكتسينا سالدىرعاندار سانىن ارتتىرۋ ماقساتىندا بٸز ۆاكتسينانى العان بارلىق ادامداردان قولداۋ سۇرايمىز. بارلىق جاقىندارىمىز بەن تانىستارىمىزعا ۆاكتسيناتسييانىڭ پايداسى تۋرالى ايتۋىمىز كەرەك», دەدٸ دەنساۋلىق ساقتاۋ مينيسترٸ.
