تٷركييانىڭ انادولى قالاسىندا تەۋەلسٸزدٸكتٸڭ 30 جىلدىعىنا وراي «الاش» جەنە ماحمۇت قاشقاري حالىقارالىق ەدەبي سىيلىعىنىڭ لاۋرەاتى, جازۋشى نۇرعالي ورازدىڭ تٷرٸك تٸلٸنە اۋدارىلعان «قازىعۇرت وقيعالارى» كٸتابىنىڭ تۇساۋكەسەرٸ ٶتتٸ, دەپ حابارلايدى قازاقپارات.
سالتاناتتى شارا قازاقستاننىڭ تٷركيياداعى ەلشٸلٸگٸنٸڭ ۇيىمداستىرۋىمەن جەنە ەل-فارابي اتىنداعى قازاق ۇلتتىق ۋنيۆەرسيتەتٸنٸڭ قولداۋىمەن حVI حالىقارالىق انكارا كٸتاپ كٶرمەسٸ اياسىندا ٶتتٸ.
جيناقتىڭ العىسٶزٸن جازعان قازۇۋ رەكتورى جانسەيٸت تٷيمەباەۆ قازۇۋ تٷلەگٸ ەرٸ قىزمەتكەرٸ نۇرعالي ورازدىڭ تٷرٸك تٸلٸنە تەرجٸمالانعان «قازىعۇرت وقيعالارى» اتتى ەڭگٸمەلەر جيناعى تۋىس حالىقتاردى ەدەبيەت ارقىلى جاقىنداستىرا تٷسەرٸنە ٷمٸت ارتادى.
ەل-فارابي اتىنداعى قازاق ۇلتتىق ۋنيۆەرسيتەتٸنٸڭ باسپاسٶز قىزمەتٸنەن مەلٸم ەتكەندەي, جيناقتىڭ تانىستىرىلىمىندا قازاقستاننىڭ تٷركيياداعى ەلشٸسٸ ابزال ساپاربەكۇلى توپتامانىڭ قازاقستان تەۋەلسٸزدٸگٸنٸڭ 30 جىلدىعى, تٷركييا رەسپۋبليكاسىنىڭ 100 جىلدىعى قارساڭىندا وقىرمان قولىنا تيگەنٸن, سونداي-اق جيناققا ەنگەن «باقىت قۇسى», «وڭاشا ارال», «تٷرٸك اسپانىنداعى قازاق جۇلدىزى», «اق تىرنالاردىڭ ۇياسى», «قازىعۇرت وقيعاسى», «بٸز, ول, مەرسەدەس جەنە ماحاببات», «تٷندەگٸ جەتٸم تامشىلار», «قايىرشىنىڭ جۇلدىزى», «بورانباي بارون – تەرٸس اعاش» تۋىندىلارىنىڭ تٷرٸك اعايىنداردىڭ كٶڭٸلٸنەن شىعارىنا سەنٸم بٸلدٸردٸ.
ەۋرازييا جازۋشىلار وداعىنىڭ تٶراعاسى ياكۋپ ٶمەروعلۋ ٶزٸ باسقاراتىن «بەنگۋ» باسپاسىنان جارىق كٶرگەن تۋىندىنىڭ تاريحي-مەدەني سالماعىن سيپاتتاپ, قازىعۇرت تاۋلارىن كٶرٸپ ٶسكەن قالامگەردٸڭ سۋرەتكەرلٸك قىرىن جوعارى باعالادى.
ەۋرازييا جازۋشىلار وداعىنىڭ باسقارما مٷشەسٸ, كٸتاپ اۋدارماشىلارىنىڭ بٸرٸ جەميلا كىناجى قازاق ەدەبيەتٸنٸڭ بەلدٸ ٶكٸلٸ ن.ورازدىڭ جازۋشىلىق ستيلٸ مەن جانرلىق ەرەكشەلٸكتەرٸ تۋرالى بايانداما جاساپ, ەر شىعارمانىڭ ارقالاعان جٷگٸ مەن كٶتەرگەن مٸندەتٸن جان-جاقتى تانىستىرىپ ٶتتٸ.
جازۋشى نۇرعالي وراز ٶز كەزەگٸندە بۇعان دەيٸن جەكەلەگەن ەڭگٸمەلەرٸ تٷرٸك تٸلٸنە اۋدارىلعانىمەن, العاش رەت جەكە كٸتاپ رەتٸندە جارىق كٶرگەنٸن جەتكٸزٸپ, شارا ۇيىمداستىرۋشىلارىنا ريزاشىلىعىن بٸلدٸردٸ.
