تٷركييادا دەمالۋشىلار ەدەن جۋعىشتىڭ كٶمەگٸمەن اكۋلاعا تويتارىس بەرە الدى, - دەپ حابارلايدى Tengrinews.kz تٸلشٸسٸ Daily Express سايتىنا سٸلتەمە جاساپ.
وقيعا تٷركييانىڭ وڭتٷستٸك-باتىسىنداعى مارماريس كۋرورتىنىڭ جاعاسىندا بولعان. جەلٸدە اكۋلانىڭ جاعاجايعا جٷزٸپ, سۋدا دەمالىپ جاتقان ادامدارعا جاقىنداعانى تٷسٸرٸلگەن ۆيدەو تارادى. تۋريستەردٸڭ بٸرٸ ەدەن جۋعىشتى الىپ, تەڭٸز تۇرعىنىن باسىنان بٸرنەشە رەت ۇرىپ قۋa باستادى.
كادرلاردا اكۋلاعا ۇقساس بالىقتىڭ قاناتى مەن قۇيرىعى كٶرٸنەدٸ. الايدا مارماريس بيلٸگٸ بۇل اكۋلا ەمەس دەپ مەلٸمدەدٸ.
"دەمالۋشىلار قوعامدىق جاعاجايدان كٶرٸپ, اكۋلا دەپ قاتەلەسكەن بالىق جەرورتا تەڭٸزٸنٸڭ بالىعى ەكەن. مامانداردىڭ ايتۋىنشا, بۇل زييانسىز جانۋار. سوندىقتان تەڭٸزگە شومىلعاندا ٶزٸڭٸزبەن بٸرگە ەدەن جۋعىشتى الۋدىڭ قاجەتٸ جوق", - دەلٸنگەن حابارلامادا.
ايتا كەتەيٸك, جەرورتا تەڭٸزٸ - اكۋلالاردىڭ 47 تٷرٸ مەكەندەيتٸن ورىن. ولاردىڭ جيىرماعا جۋىعى ٷلكەن مٶلشەرگە جەتەدٸ, ال 15-ٸ تەورييالىق تۇرعىدان ادامعا زييان تيگٸزۋٸ مٷمكٸن.
بۇعان دەيٸن مىسىردا دا وسىنداي وقيعا بولعان, بٸراق سوڭى قايعىلى جاعدايعا ۇلاستى. ٶتكەن اپتادا مىسىردىڭ قىزىل تەڭٸز جاعالاۋىنداعى بٸرنەشە جاعاجاي اكۋلالاردىڭ شابۋىلىنان ەكٸ تۋريست قازا تاپقاننان كەيٸن جابىلدى.
