Túrkiiada demalýshylar eden jýǵyshtyń kómegimen akýlaǵa toitarys bere aldy, - dep habarlaidy Tengrinews.kz tilshisi Daily Express saityna silteme jasap.
Oqiǵa Túrkiianyń ońtústik-batysyndaǵy Marmaris kýrortynyń jaǵasynda bolǵan. Jelide akýlanyń jaǵajaiǵa júzip, sýda demalyp jatqan adamdarǵa jaqyndaǵany túsirilgen video tarady. Týristerdiń biri eden jýǵyshty alyp, teńiz turǵynyn basynan birneshe ret uryp qýa bastady.
Kadrlarda akýlaǵa uqsas balyqtyń qanaty men quiryǵy kórinedi. Alaida Marmaris biligi bul akýla emes dep málimdedi.
"Demalýshylar qoǵamdyq jaǵajaidan kórip, akýla dep qatelesken balyq Jerorta teńiziniń balyǵy eken. Mamandardyń aitýynsha, bul ziiansyz janýar. Sondyqtan teńizge shomylǵanda ózińizben birge eden jýǵyshty alýdyń qajeti joq", - delingen habarlamada.
Aita keteiik, Jerorta teńizi - akýlalardyń 47 túri mekendeitin oryn. Olardyń jiyrmaǵa jýyǵy úlken mólsherge jetedi, al 15-i teoriialyq turǵydan adamǵa ziian tigizýi múmkin.
Buǵan deiin Mysyrda da osyndai oqiǵa bolǵan, biraq sońy qaiǵyly jaǵdaiǵa ulasty. Ótken aptada Mysyrdyń Qyzyl teńiz jaǵalaýyndaǵy birneshe jaǵajai akýlalardyń shabýylynan eki týrist qaza tapqannan keiin jabyldy.
