فوتو: freepik.com
2024 جىلدىڭ 21 جەلتوقسانىندا 10 جاستاعى بالا فۋتبولشىلار توبىنىڭ قۇرامىندا الماتى-انتالييا ۇشاعىمەن كس 915 رەيسٸمەن فۋتبول لاگەرٸنە كەتكەن. تٷركيياعا كەلگەننەن كەيٸن بالا تٶلقۇجاتىنىڭ جوق ەكەنٸن بايقاعان. بۇل تۋرالى زاڭگەر دانيلحان شاعاتاەۆ مەلٸمدەدٸ, دەپ حابارلايدى Ult.kz Kazinform-عا سٸلتەمە جاساپ.
- تٸركەۋدەن ٶتۋ, قول-جٷكتەرٸن تەكسەرۋ جەنە ۇشاققا وتىرعىزۋ كەزٸندە بالانىڭ موينىنا ارنايى سٶمكەگە سالىنعان بارلىق قاجەتتٸ قۇجاتتارى بولعان. تٷركيياعا جەتكەن كەزدە بالا ٶزٸنٸڭ حالىقارالىق تٶلقۇجاتىنىڭ جوعالىپ كەتكەنٸن بٸلٸپ, بۇل تۋرالى Air Astana قىزمەتكەرٸنە حابارلاعان, بٸراق تٶلقۇجات تابىلماعان,- دەپ جازدى ول.
نەتيجەسٸندە تٶلقۇجاتى جوق بالا تٷركييادا پاسپورتتىق شەكارالىق باقىلاۋدان ٶتە الماي, بالا ەكٸ كٷن بويى, ياعني 21 جەلتوقسانىنان 23 جەلتوقسانىنا دەيٸن ەۋە كومپانيياسىنىڭ ٶكٸلدەرٸنسٸز دەپورتاتسييا بٶلمەسٸندە جالعىز بولعانى دا ايتىلادى.
ال, Air Astana ەۋەكومپانيياسى جولاۋشىلاردى تاسىمالداۋدىڭ حالىقارالىق نورمالارىن قاتاڭ ساقتايتىنىن جەتكٸزدٸ. بالالاردى الىپ جٷرۋ قىزمەتٸ زاڭدى ٶكٸلدەن بالانى قابىلداۋدى, ۇشۋ كەزٸندە ونىڭ قاۋٸپسٸزدٸگٸن قامتاماسىز ەتۋدٸ جەنە ۇشىپ كەلگەن كەزدە زاڭدى ٶكٸلگە بەرۋدٸ قامتيدى. بۇل رەتتە قۇجاتتار مەن جەكە زاتتار ٷشٸن جولاۋشىنىڭ ٶزٸ جاۋاپتى.
- باق-تا جارييالانعان وقيعاعا بايلانىستى ەۋەكومپانييا انتالييا ەۋەجايىنداعى تٶلقۇجات باقىلاۋىندا بٸر توپ بالالارمەن جٷرگەن بالانىڭ تٶلقۇجاتىنىڭ جوق بولعانى انىقتالعان. رەيسكە رەسٸمدەۋ كەزٸندە قۇجات جولاۋشىدا بولدى, بۇل بەينەجازبامەن راستالادى. ەۋەكومپانييا قىزمەتكەرلەرٸ تٶلقۇجاتتى ٶز بەتٸمەن ٸزدەدٸ, بٸراق, ٶكٸنٸشكە وراي, قۇجات تابىلمادى. ەۋەكومپانييا قر كونسۋلدىعىن بولعان وقيعا تۋرالى جەدەل حاباردار ەتتٸ, - دەپ اتاپ ٶتتٸ ەۋە كومپانييادان.
سونداي-اق Air Astana ەۋەكومپانيياسى دەپورتاتسييالاۋ تۋرالى شەشٸمدٸ سول ەلدٸڭ كٶشٸ-قون قىزمەتٸ قابىلدايتىنىن مەلٸمدەدٸ.
- سونداي-اق, بالانى ۇستاۋ شارتتارىن تٷركييانىڭ كٶشٸ-قون قىزمەتٸ بەلگٸلەيدٸ. ٶز تاراپىنان ەۋەكومپانييا بالانى ٷش رەتتٸك تاماقپەن جەنە پسيحولوگييالىق قولداۋمەن قامتاماسىز ەتتٸ جەنە جاعدايدى تەز ارادا شەشۋ ٷشٸن قر كونسۋلدىعىمەن جەنە تٷركييانىڭ كٶشٸ-قون قىزمەتٸمەن تۇراقتى بايلانىستا بولدى. بۇل جاعدايدا ەۋەكومپانييا كٶشٸ-قون قىزمەتٸنٸڭ ۇيعارىمىن ورىنداۋعا مٸندەتتٸ جەنە ول ورىندالدى: بالا قازاقستانعا تٸكەلەي رەيسپەن قايتارىلدى. بۇل ٷشٸن ەرەجەگە سەيكەس ونىڭ كەرٸ بيلەتٸ پايدالانىلدى, - دەپ تٷسٸندٸردٸ Air Astana ەۋەكومپانيياسىنىڭ باسپاسٶز قىزمەتٸ.
ەسكە سالا كەتەيٸك, بۇعان دەيٸن ورال قالاسىنىڭ قوس تۇرعىنى, ەگٸزدەر – زەۋرە مەن زەرە امەريكاداعى تٸل مەكتەبٸنەن استانا ارقىلى كەرٸ ۇشىپ شىققانىن, ەلورداعا امان جەتكەن قوس جاسٶسپٸرٸمنٸڭ بٸرٸ استانا - ورال باعىتىندا ۇشقان «FlyArystan» ەۋەكومپانيياسىنىڭ ۇشاعىنان قالىپ قويعانىن جازعان بولاتىنبىز.
