Foto: freepik.com
2024 jyldyń 21 jeltoqsanynda 10 jastaǵy bala fýtbolshylar tobynyń quramynda Almaty-Antaliia ushaǵymen KS 915 reisimen fýtbol lagerine ketken. Túrkiiaǵa kelgennen keiin bala tólqujatynyń joq ekenin baiqaǵan. Bul týraly zańger Danilhan Shaǵataev málimdedi, dep habarlaidy Ult.kz Kazinform-ǵa silteme jasap.
- Tirkeýden ótý, qol-júkterin tekserý jáne ushaqqa otyrǵyzý kezinde balanyń moinyna arnaiy sómkege salynǵan barlyq qajetti qujattary bolǵan. Túrkiiaǵa jetken kezde bala óziniń halyqaralyq tólqujatynyń joǵalyp ketkenin bilip, bul týraly Air Astana qyzmetkerine habarlaǵan, biraq tólqujat tabylmaǵan,- dep jazdy ol.
Nátijesinde tólqujaty joq bala Túrkiiada pasporttyq shekaralyq baqylaýdan óte almai, bala eki kún boiy, iaǵni 21 jeltoqsanynan 23 jeltoqsanyna deiin áýe kompaniiasynyń ókilderinsiz deportatsiia bólmesinde jalǵyz bolǵany da aitylady.
Al, Air Astana áýekompaniiasy jolaýshylardy tasymaldaýdyń halyqaralyq normalaryn qatań saqtaitynyn jetkizdi. Balalardy alyp júrý qyzmeti zańdy ókilden balany qabyldaýdy, ushý kezinde onyń qaýipsizdigin qamtamasyz etýdi jáne ushyp kelgen kezde zańdy ókilge berýdi qamtidy. Bul rette qujattar men jeke zattar úshin jolaýshynyń ózi jaýapty.
- BAQ-ta jariialanǵan oqiǵaǵa bailanysty áýekompaniia Antaliia áýejaiyndaǵy tólqujat baqylaýynda bir top balalarmen júrgen balanyń tólqujatynyń joq bolǵany anyqtalǵan. Reiske resimdeý kezinde qujat jolaýshyda boldy, bul beinejazbamen rastalady. Áýekompaniia qyzmetkerleri tólqujatty óz betimen izdedi, biraq, ókinishke orai, qujat tabylmady. Áýekompaniia QR konsýldyǵyn bolǵan oqiǵa týraly jedel habardar etti, - dep atap ótti áýe kompaniiadan.
Sondai-aq Air Astana áýekompaniiasy deportatsiialaý týraly sheshimdi sol eldiń kóshi-qon qyzmeti qabyldaitynyn málimdedi.
- Sondai-aq, balany ustaý sharttaryn Túrkiianyń kóshi-qon qyzmeti belgileidi. Óz tarapynan áýekompaniia balany úsh rettik tamaqpen jáne psihologiialyq qoldaýmen qamtamasyz etti jáne jaǵdaidy tez arada sheshý úshin QR konsýldyǵymen jáne Túrkiianyń kóshi-qon qyzmetimen turaqty bailanysta boldy. Bul jaǵdaida áýekompaniia kóshi-qon qyzmetiniń uiǵarymyn oryndaýǵa mindetti jáne ol oryndaldy: bala Qazaqstanǵa tikelei reispen qaitaryldy. Bul úshin erejege sáikes onyń keri bileti paidalanyldy, - dep túsindirdi Air Astana áýekompaniiasynyń baspasóz qyzmeti.
Eske sala keteiik, buǵan deiin Oral qalasynyń qos turǵyny, egizder – Záýre men Zere Amerikadaǵy til mektebinen Astana arqyly keri ushyp shyqqanyn, elordaǵa aman jetken qos jasóspirimniń biri Astana - Oral baǵytynda ushqan «FlyArystan» áýekompaniiasynyń ushaǵynan qalyp qoiǵanyn jazǵan bolatynbyz.
