تٷركييا ەسكەري قىزمەتكەرلەرٸ جاقىندا ٶلتٸرٸلگەن "يسلام مەملەكەتٸ" تەررور ۇيىمىنىڭ جەتەكشٸسٸ ەبۋ بەكٸر ەل-باعداديدٸڭ بٸر ەيەلٸن قولعا تٷسٸردٸ. بۇل اقپاراتتى تٷركييا پرەزيدەنتٸ رەجەپ ەردوعان مەلٸمدەدٸ. 6 قاراشادا انكارا ۋنيۆەرسيتەتٸندە سٶيلەگەن ول وپەراتسييانىڭ جاي-جاپسارىن ايتپادى.
"بٸز ونىڭ ەيەلٸن ۇستادىق, بٸراق شۋ كٶتەرگەن جوقپىز. سيرييا اۋماعىندا ودان بٶلەك ونىڭ ەپكەسٸ مەن كٷيەۋ بالاسى ۇستالدى" دەدٸ ەردوعان. ول ەل-باعداديدٸڭ ەيەلٸن ەسكەريلەر قاشان قولعا تٷسٸرگەنٸن دە ايتپادى.
ەبۋ بەكٸر ەل-باعداديدٸڭ قانشا ەيەلٸ بولعانى ەزٸرگە بەلگٸسٸز. AP اگەنتتٸگٸنٸڭ جازۋىنشا, ونىڭ تٶرت ەيەلٸ بولعان. يراكتاعى قۇپييا دەرەككٶزگە سٷيەنگەن Reuters اگەنتتٸگٸ ونىڭ ٷش ەيەلٸ بولعانىن ايتادى.
5 قاراشادا تٷرٸك ەسكەريلەرٸ ەل-باعداديدٸڭ ەپكەسٸن قولعا تٷسٸرگەنٸن ايتقان. راسمييا اۆاد سيرييانىڭ سولتٷستٸك-باتىسىندا جاسىرىنعان. ونىمەن بٸرگە ونىڭ كٷيەۋٸ, كەلٸنٸ, بەس بالاسى قاماۋعا الىنعان.
"يسلام مەملەكەتٸ" تەررور ۇيىمىنىڭ باسشىسى ەبۋ بەكٸر ەل-باعدادي ٶتكەن ايدا اقش ەسكەرٸنٸڭ ارنايى وپەراتسيياسى بارىسىندا ٶزٸن-ٶزٸ جارىپ جٸبەرگەن. وسى رەيد كەزٸندە "يسلام مەملەكەتٸ" تۋرالى ماڭىزدى اقپاراتتارى بولۋى مٷمكٸن قۇجاتتار تابىلعان.
