بٷگٸن تٷركٸستان قالاسىندا جاڭا فيلمنٸڭ تۇساۋى كەسٸلدٸ. TURKISTAN تەلەارناسى ٶتكەن جىلى العاشقى كينوتۋىندىسىن تٷسٸرگەن بولاتىن. كومەدييالىق مەلودراما جانرىنداعى «كەرٸس كەلٸن» فيلمٸ ٶمٸردەگٸ شىنايى وقيعاعا نەگٸزدەلگەن, دەپ حابارلايدى "ۇلت اقپارات".
فيلمدە سەكەن ەسٸمدٸ تٷلكٸباستىق جٸگٸت پەن وڭتٷستٸككورەيالىق سۋدجين لي ەسٸمدٸ قىزدىڭ اراسىنداعى سىرلى سەزٸمگە تولى حيكايا باياندالادى.
كورەيادا 5 جىل جۇمىس ٸستەگەن سەكەن 2023 جىلى سۋدجين ليدٸ قاراشاڭىراعىنا كەلٸن ەتٸپ تٷسٸرگەن.
بٷگٸندە جاس وتباسى تاتۋ-تەتتٸ ٶمٸر سٷرٸپ جاتىر.
كينودا سۋدجين ليدٸڭ قازاقستانعا كەلگەن العاشقى كٷندەردە باستان كەشكەن وقيعالارى سۋرەتتەلەدٸ.
سونداي-اق, تىرناقالدى تۋىندىدا ەكٸ جاستىڭ ماحابباتى ارقىلى وتباسى قۇندىلىقتارى, قازاقى دەستٷرلەر كەڭٸنەن ناسيحاتتالادى.
سونىمەن قاتار, جاڭارعان تٷركٸستان قالاسى مەن تٷركٸستان وبلىسىنىڭ تابيعاتى كٶرەرمەنگە جان جاقتى كٶرسەتٸلەدٸ.
فيلم ستسەنارييٸن تەلەارنا قىزمەتكەرلەرٸ بٸرلەسە جازىپ شىققان. بۇل تۋىندى العاشقىدا تەلەسەريال رەتٸندە تٷسٸرٸلگەن.
دەگەنمەن كٶرەرمەن تاراپىنان سۇرانىس بولعاندىقتان تولىق فورماتتى فيلم ٶڭدەلٸپ, كينوتەاتردان دا كٶرسەتۋ جوسپارلانىپ وتىر.
باستى رٶلدەردٸ شىمكەنت قالاسى مەن تٷركٸستان وبلىسىنىڭ كەسٸبي اكتەرلەرٸ سومدايدى.
فيلم تٷركٸستان قالاسى مەن تٶلەبي اۋدانىندا بار بولعانى 9 كٷندە تٷسٸرٸلگەن.
