شىمكەنت قالاسىندا ەستۋ قابٸلەتٸ زاقىمدانعان سپورتشىلار اراسىنداعى قازاقستان رەسپۋبليكاسىنىڭ III سپارتاكياداسى ٶتتٸ, دەپ حابارلايدى «ۇلت اقپارات».
تٶرت جىلدا بٸر رەت ٶتكٸزٸلەتٸن جارىسقا ەلٸمٸزدٸڭ 18 ٶڭٸرٸنەن كەلگەن 800-دەن استام سپورتشى باق سىنادى. سۋردليمپيادا سپورتشىلارى جارىستا سپورتتىڭ 11 تٷرٸنەن 150 مەدالدى ٶزارا ساراپقا سالدى.
تٷركٸستان وبلىسى ەكٸمدٸگٸنٸڭ باسپاسٶز قىزمەتٸنٸڭ حابارلاۋىنشا, سپارتاكياداعا تٷركٸستان وبلىستىق مٷگەدەكتەرگە ارنالعان «ساۋران» سپورت كلۋبىنىڭ سپورتشىلارى قاتىسىپ, جٷلدەگەر اتاندى. وبلىس نامىسىن قورعاعان سايىپقىراندار 3 التىن, 3 كٷمٸس, 5 قولا مەدال يەلەندٸ.
سپورت كلۋبىنىڭ ديرەكتورى اباي ٸزتٸلەۋۇلىنىڭ ايتۋىنشا, ٶڭٸرٸمٸزدٸڭ مىقتىلارى سانالاتىن سپورتشىلار دويبى, قول كٷرەسٸ, تاەكۆوندو, ەركٸن جەنە دزيۋدو كٷرەسٸ سپورت تٷرلەرٸ بويىنشا سىنعا تٷسكەن.
تارقاتىپ ايتساق, جاسۇلان سەيٸلحانوۆ قول كٷرەسٸنەن, ەلٸبي قانىبەكوۆ دزيۋدو كٷرەسٸنەن, باقىتجان بادانوۆ دويبىدان چەمپيون اتاندى. سونداي-اق قايىرجان پەرنەەۆ ەركٸن كٷرەستەن, جاسۇلان سەيٸلحانوۆ نايزا لاقتىرۋدان, ال زارينا مىقتىباي دويبىدان كٷمٸس جٷلدەگە لايىقتى ەكەندٸگٸن دەلەلدەدٸ. ال يحتيەر اسروروۆ دزيۋدو كٷرەسٸنەن, شەكەربەك جاۋعاشەۆ جەنە مەيٸرمان پەرنەەۆ دويبىدان, ەربۋل ابدۋرازاكوۆ پەن رىساي باقتىباي تاەكۆوندودان قولا جٷلدە الدى.
ەسكە سالا كەتسەك, ەستۋ قابٸلەتٸ زاقىمدانعان سپورتشىلار اراسىنداعى العاشقى سپارتاكيادا 2014 جىلى الماتى قالاسىندا سپورتتىڭ 5 تٷرٸنەن ٶتسە, II سپارتاكيادا 2018 جىلى اقتٶبە قالاسىندا سپورتتىڭ 10 تٷرٸنەن ٶتكەن بولاتىن.
