تٷركٸستان قالاسى ادامي ەلەۋەتتٸ دامىتۋ بٶلٸمٸنە قاراستى №28 مەكتەپ-ليتسەيٸنٸڭ وقۋشىلارى تٷركييانىڭ انتالييا قالاسىنان جەڭٸسپەن ورالدى, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
«XIV INTERNATIONAL OLYMPIAD IN ANTALYA» دەپ اتالاتىن حالىقارالىق وليمپيادا 2009 جىلدان بەرٸ مەكتەپ وقۋشىلارىنىڭ اراسىندا جاراتىلىستانۋ باعىتىنداعى پەندەردەن ٶتەتٸن بٸلٸم جارىسى. دودانىڭ باستى ماقساتى – ٷزدٸك بٸلٸم مەن تەجٸريبە, شىنايى دارىن يەلەرٸن تانۋ جەنە تابىسقا جەتۋ جولىنا سەرپٸن بەرۋ.
وسى جىلى قاتىسۋشىلار سانى دا ايتارلىقتاي كٶپ بولعان. شاھارداعى №28 مەكتەپ-ليتسەيٸنٸڭ ديرەكتورى لەززات نىسانقۇلوۆا مەن ديرەكتوردىڭ وقۋ ٸسٸ جٶنٸندەگٸ ورىنباسارى ايگٷل ابايقىزىنىڭ جەتەكشٸلٸگٸمەن بارعان وقۋشىلار ٶزدەرٸنٸڭ شىن جٷيرٸك ەكەندٸكتەرٸن كٶرسەتە بٸلدٸ.
«بايقاۋ قورىتىندىسى بويىنشا 6-سىنىپ وقۋشىلارى سىمبات سمايلوۆا مەن التايىر ناريمانوۆ ورىس تٸلٸ پەنٸ بويىنشا جٷلدەلٸ 1 جەنە 3-ورىنداردى قانجىعاسىنا بايلادى. اعىلشىن تٸلٸ پەنٸ بويىنشا 6-سىنىپ وقۋشىسى جاناسىل جاندوسۇلى 2-ورىنعا لايىق دەپ تانىلدى. جٷزدەن جٷيرٸك شىققان 9-سىنىپ وقۋشىسى ابدۋەلٸم داۋلەتالين «ميستەر وليمپيادا» نوميناتسيياسىنا يە بولدى. ال, گەوگرافييا پەنٸنەن كوماندالىق جارىستا جٷلدەلٸ 1-ورىندى جەڭٸپ الدى», – دەدٸ تٷركٸستان قالاسى ادامي ەلەۋەتتٸ دامىتۋ بٶلٸمٸنٸڭ باسشىسى ورازكٷل شايحىقىزى.
جارىستا 5 مەملەكەتتەن 56 مەكتەپ وقۋشىلارى ٶزارا بەسەكەگە تٷستٸ. سونىمەن قاتار وسى بٸلٸم جارىسىن ۇيىمداستىرۋشى تاراپپەن بايلانىستى نىعايتۋ ماقساتىندا لەززات جانالىقىزى ارناۋلى مەموروندۋمعا قول قويىلعانىن قۋانىشتى تٷردە جەتكٸزدٸ.
ايتا كەتەيٸك, اتالعان بٸلٸم ورداسىندا 1500-گە جۋىق وقۋشى بار. بٸلٸم وشاعىندا ٷزدٸك ۇستازدار ۇجىمى توپتاسىپ قانا قويماي, وبلىستا, تٸپتٸ رەسپۋبليكا كٶلەمٸندەگٸ بٸلٸم بەسەكەلەرٸندە ٷزدٸك نەتيجەلەرگە قول جەتكٸزٸپ كەلەدٸ. مەكتەپ وقۋشىلارى دا اۋىز تولتىرىپ ايتارلىقتاي بەلەستەردٸ باعىندىرۋدا.
