تٷركٸستاندىق مەديتسينا ماماندارى تٷركييا ەلٸندە تەجٸريبە الماسۋعا اتتانىپ كەتتٸ. ىستانبۇل قالاسىنا بٸلٸكتٸلٸگٸن ارتتىرۋعا كەتكەندەردٸڭ اراسىندا جەدەل جەردەم ستانتسيياسىنىڭ 10 دەرٸگەرٸ مەن فەلدشەرٸ بار, دەپ حابارلايدى "ۇلت اقپارات".
بۇل شارانى وبلىستىق قوعامدىق دەنساۋلىق باسقارماسى ۇيىمداستىرۋدا. باستى ماقسات – مەديتسينا ماماندارىنا سوڭعى تەحنولوگييالاردى مەڭگەرٸپ, جەدەل تٷردە ناۋقاستاردى ەمدەۋگە دايارلاۋ بولىپ وتىر.
ايتا كەتەيٸك, بٸلٸكتٸلٸگٸن شىڭداۋ ٷشٸن كەتكەن ارنايى توپ تٷركٸستان, كەنتاۋ, ورداباسى ستانتسييالارىنىڭ مەديتسينالىق قىزمەتكەرلەرٸنەن جاساقتالعان. ولار وسى ەلدەگٸ كٶپتەگەن مەديتسينا مەكەمەلەرٸندە بولىپ, ەرٸپتەستەرٸمەن تەدٸريبە الماسپاق. جيناقتالعان تەجٸريبە ٶڭٸردەگٸ جەدەل مەديتسينالىق جەردەمنٸڭ ساپاسىن ارتتىرۋعا مٷمكٸنشٸلٸك بەرمەك. باسقارما تاراپىنان جىل سوڭىنا دەيٸن تاعى بٸرنەشە توپتى شەت مەملەكەتتەردە وقىتۋ جوسپارلانىپ وتىر.
جالپى, ٶتكەن جىلى ٶڭٸردٸڭ اۋرۋحانالارى مەن ەمحانالارىندا ەڭبەك ەتەتٸن 3 مىڭعا جۋىق مەديتسينالىق قىزمەتكەر بٸلٸكتٸلٸگٸن ارتتىرعان.
