تٷركٸستان قالاسىندا «ٶڭٸرلەردٸ دامىتۋ» باعدارلاماسى اياسىندا سالىنعان 5 قاباتتى 8 ٷي ەل يگٸلٸگٸنە تاپسىرىلدى. بۇل كٷنٸ باسپانا كەزەگٸندە تۇرعان ەلەۋمەتتٸك از قامتاماسىز ەتٸلگەن وتباسىلار مەن مٷگەدەكتەر جەنە جالعىز باستى انالار سىندى 480 وتباسى باسپانالى بولدى, دەپ حابارلايدى "ۇلت اقپارات" ەكٸمنٸڭ باسپاسٶز قىزمەتٸنە سٸلتەمە جاساپ.
جاڭادان بوي كٶتەرگەن «وتىرار» شاعىن اۋدانىنداعى قونىس تويعا وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ قاتىسىپ, تۇرعىندارعا پەتەر كٸلتٸن تابىس ەتتٸ.
«ەلباسىنىڭ تاپسىرماسىمەن بٷگٸندە ەلٸمٸزدٸڭ ەربٸر ايماعىندا تٷرلٸ باعدارلامالار اياسىندا تۇرعىن ٷيلەر سالىنىپ جاتىر. بٷگٸن مٸنە مەملەكەت باسشىسىنىڭ كٶرەگەندٸ ساياساتىنىڭ نەتيجەسٸن كٶرٸپ, ونىڭ كۋەسٸ بولىپ وتىرسىزدار. كٶپ جىلدار بويى كەزەك كٷتكەن وتباسىلار بٷگٸن بٸر-بٸر شاڭىراققا يە بولدى. بٸر كٷندە 480 پەتەردٸڭ بەرٸلۋٸ ول بٸر تٷركٸستان ەمەس, وبلىسىمىز ٷشٸن ٷلكەن وقيعا دەپ ايتۋعا بولادى. ەندٸ مۇندا جاڭادان 480 وتباسى, ياعني, ٷش مىڭداي ازامات ٶمٸر سٷرەتٸن بولادى. جاڭا قونىستارىڭىز قۇتتى بولسىن دەي وتىرىپ, ەربٸر شاڭىراققا بٸرلٸك پەن بەرەكە تٸلەيمٸن»,-دەدٸ ايماق باسشىسى.
ايتا كەتەيٸك, 2016 جىلى اتالعان شاعىن اۋداندا 120 پەتەردٸ قۇرايتىن 2 ٷي جەنە قيك ەسەبٸنەن 144 پەتەر پايدالانۋعا بەرٸلگەن بولاتىن. بٷگٸن جالپى سانى 480 پەتەردٸ قۇرايتىن كٶپقاباتتى سەگٸز ٷي «ٶڭٸرلەردٸ دامىتۋ» باعدارلاماسى اياسىندا وبلىس بيۋدجەتٸنەن بٶلٸنگەن 3 ملرد. 109 ملن. تەڭگە قارجىعا سالىنعان. مۇندا قونىستانعان وتباسىلاردىڭ بالالارى ٷشٸن قازٸرگٸ كٷندە بالاباقشا, مەكتەپ مەسەلەسٸن شەشۋ قاراستىرىلىپ وتىر. ول ٷشٸن جەرگٸلٸكتٸ بيلٸك مەملەكەتتٸك جەكەمەنشٸك ەرٸپتەستٸك اياسىندا 280 ورىندىق بالاباقشا عيماراتىنىڭ قۇرىلىسىن باستاماق. ال كەلەر جىلى وسىندا 900 ورىندىق جاڭا مەكتەپ عيماراتىنىڭ قۇرىلىسى جٷرگٸزٸلەتٸن بولادى. بۇل قۇرىلىستاردان باسقا جاڭا اۋداندا 200 ورىندىق بالالارعا ارنالعان پسيحولوگييالىق-تٷزەتۋ ورتالىعى سالىنۋدا.
سونىمەن بٸرگە, قالاداعى 5 مىڭعا جۋىق ازاماتتاردىڭ تۇرعىن ٷيگە دەگەن سۇرانىسىن قاناعاتتاندىرۋ ماقساتىندا «وتىرار» شاعىن اۋدانىنان «قازاقستان يپوتەكالىق كومپانيياسى» ارقىلى تاعى دا 6 ٷيدٸڭ قۇرىلىسى جٷرگٸزٸلمەك. كەلەر جىلى جوسپارلانعان 20 كٶپقاباتتى تۇرعىن ٷي سالىنسا, ودان بٶلەك 150 كوتتەدج بوي تٷزەيدٸ. ايتا كەتەرلٸگٸ, قالانىڭ ەكٸمشٸلٸك ٸسكەرلٸك ورتالىعى دا وسى شىعىس بٶلٸكتەن بوي تٷزەيتٸن بولادى.
