تٷركٸستان وبلىسىنا قر اقپارات جەنە قوعامدىق دامۋ ۆيتسە-مينيسترٸ بولات تٸلەپوۆ جۇمىس ساپارىمەن كەلدٸ. ۆيتسە-مينيستر ساپارى بارىسىندا قوجا احمەت ياساۋي كەسەنەسٸنە زييارات ەتٸپ, سول ماڭداعى ەتنواۋىل مەن بوتانيكالىق باقتى ارالاپ كٶردٸ, دەپ حابارلايدى "ۇلت اقپارات".
شاراعا تٷركٸستان وبلىستىق مەدەنيەت باسقارماسىنىڭ باسشىسى ەزٸمحان قويلىباەۆ, وبلىستىق قوعامدىق دامۋ باسقارماسىنىڭ باسشىسى دامير جٷنٸسوۆ جەنە باق ٶكٸلدەرٸ قاتىستى. بولات تٸلەپوۆ «ۇلى دالا ەلٸ» ورتالىعىندا «ۇلىلاردان قالعان مۇرا» اتتى ٸس-شاراعا قاتىسىپ, ٶزٸنٸڭ جەكە مۇراعاتىندا ساقتالىپ كەلگەن قازاق حانى ابىلايدىڭ رەسەي پاتشايىمى ەكاتەرينا الەكسەەۆناعا جازعان حاتىنىڭ تۇپنۇسقاسىن ورتالىق باسشىلىعىنا سالتاناتتى تٷردە تابىس ەتتٸ. جيىندا سٶز العان بولات اناپيياۇلى رۋحاني استانامىزدىڭ كٷن ساناپ كٶركەيٸپ, جاندانىپ, قايتا تٷلەپ كەلە جاتقانى ەلباسىمىزدىڭ وسىدان ٷش جىل بۇرىنعى قابىلداعان تاريحي شەشٸمٸنٸڭ جەمٸسٸ ەكەنٸن تٸلگە تيەك ەتتٸ.
«كٶنە تٷركٸستان شاھارى نەبەرٸ ٷش جىلدىڭ ارالىعىندا ادام تاڭعالارلىقتاي ەسەم دە, كٶركٸ كٶز تارتار شاھارعا اينالدى. تاياۋدا عانا تٷركٸستان – تٷركٸ ەلدەرٸنٸڭ مەدەني استاناسى اتانىپ, قازاق ەلٸنٸڭ ناعىز مەدەني, رۋحاني ورتالىعى ەكەنٸن بارشا جۇرتقا پاش ەتە باستادى. سوڭعى ەكٸ جىلدا قالادا 200-دەن استام مەدەني, رۋحاني, ەلەۋمەتتٸك نىساندار بوي كٶتٸرٸپ كەلەدٸ. وسى رەتتە مەن دە بٷكٸل قازاق حالقىنىڭ تەرەڭ تاريحىنان سىر شەرتەر جەدٸگەرلەردٸڭ التىن ۇياسىنا اينالىپ وتىرعان «ۇلى دالا ەلٸ» ورتالىعىنا جەكە مۇراعاتىمدا ساقتالىپ كەلگەن ابىلاي حاننىڭ ورىس پاتشايىمى ەكاتەرينا الەكسەەۆناعا جازعان حاتىن تاپسىرۋدى جٶن كٶردٸم», – دەدٸ بولات اناپيياۇلى.
ايتا كەتەيٸك, «ۇلى دالا ەلٸ» ورتالىعى نۇرسۇلتان نازارباەۆتىڭ ٶتكەن جىلى تٷركٸستان قالاسىنا ساپارى بارىسىندا اشىلعان بولاتىن. ورتالىقتىڭ نەگٸزگٸ ماقساتى – ەلباسىمىزدىڭ «ۇلى دالانىڭ جەتٸ قىرى» باعدارلامالىق ماقالاسىندا اتاپ ٶتٸلگەن تاريحي قۇندىلىقتاردى ناسيحاتتاۋ. ورتالىق قازاق حاندىعىنىڭ قۇرىلعانىنان باستاپ, جاڭا دەۋٸر دامۋىنا دەيٸنگٸ ەرتٷرلٸ تاقىرىپتى اشاتىن 9 تاريحي-زاماناۋي زالدان تۇرادى. بٸرٸنشٸ قاباتتا تٷركٸستان قالاسى تٷركٸ حالقىنىڭ رۋحاني استاناسى بولعاندىقتان تٷبٸ بٸر تٷركٸ حالىقتارىنىڭ باعا جەتپەس قۇندىلىعى, كٷلتەگٸن ەسكەرتكٸشٸنٸڭ ٷشٸنشٸ كٶشٸرمەسٸ قويىلعان.
كٶنە جەدٸگەرلەردٸ ارالاپ كٶرگەن ۆيتسە-مينيستر ورتالىق قىزمەتكەرلەرٸنٸڭ جۇمىسىنا شىعارماشىلىق تابىس تٸلەدٸ. سونداي-اق, ول «كەرۋەن ساراي» كەشەنٸن, تۇڭعىش پرەزيدەنت ساياباعىن, «التىن سامۇرىق» تەاترىن, فۋدكور ايماعىن ارالاپ كٶردٸ.
