تٷركٸستان قالاسىندا بولعان ٶرت سالدارىنان جاراقات العان وبلىستىق تٶتەنشە جاعداي قىزمەتكەرلەرٸنٸڭ جاعدايىن بٸلۋگە قر ٸشكٸ ٸستەر مينيسترٸ, پوليتسييا گەنەرال-لەيتەنانتى ەرلان تۇرعىمباەۆ پەن قر دەنساۋلىق ساقتاۋ مينيسترٸ ەلجان بٸرتانوۆتار كەلدٸ. ولار تٷركٸستان وبلىسىنىڭ ورتالىق اۋرۋحاناسىنا بارىپ, ناۋقاستارمەن كەزدەستٸ, دەپ حابارلايدى "ۇلت اقپارات".
ەكٸ مينيستر دە اۋرۋحانادا كٷيٸك شالىپ جاتقان 6 ٶرت سٶندٸرۋشٸمەن تٸلدەسٸپ, ولاردىڭ اماندىعى مەن دەنساۋلىقتارىنىڭ جاقسارعانىنا كٶزدەرٸن جەتكٸزدٸ. قاجەت بولعان بارلىق كٶمەكتەردٸڭ دەر كەزٸندە كٶرسەتٸلەتٸنٸن اتاپ ٶتتٸ.
ەسكە سالا كەتسەك, كەشە 10 قىركٷيەك كٷنٸ شامامەن ساعات 18.25-تە تٷركٸستان قالاسىنداعى «رويال-گراند» قوناقٷيٸ ٶرتەندٸ. وقيعا ورنىنا پوليتسەيلەر مەن تجك قىزمەتكەرلەرٸ جەدەل جەتٸپ, جاقىن ماڭداعى اۋماقتاردى قورشاۋعا الىپ, قوناق ٷيدٸڭ قىزمەتكەرلەرٸ مەن قوناقتاردى ەۆاكۋاتسييالادى. ٶرتتەن قۇتقارۋ جۇمىستارى بارىسىندا جالپى 50 ادام قاۋٸپسٸز جەرگە شىعارىلدى.
ٶرت كەزٸندە پاترۋلدٸك پوليتسييا باتالون كومانديرٸنٸڭ ورىنباسارى, پوليتسييا مايورى قانات راكىشەۆ پەن تٷركٸستان قالالىق تٶتەنشە جاعدايلار باسقارماسىنىڭ ازاماتتىق قورعاۋ مايورى بولات تٷيمەنوۆ ادام شىعىنىن كەلتٸرمەس ٷشٸن بارلىق بٶلمەلەردٸ تٸنتٸپ شىقتى. نەتيجەسٸندە تەرتٸپ ساقشىلارى ٶرت قاۋمالاعان عيماراتتان 4 جاسار قىزدى جەنە تٷركييانىڭ ەكٸ ازاماتىن قۇتقاردى. تٶتەنشە جاعدايدان قازا بولعاندار جوق.
ٶرتتٸ اۋىزدىقتاۋ بارىسىندا تٷركٸستان وبلىسى تجق-نٸڭ 5 قىزمەتكەرٸ جاراقاتتانىپ, تٷرلٸ دەرەجەدەگٸ كٷيٸك جەنە جاراقاتتارىمەن ورتالىق اۋرۋحاناعا جاتقىزىلدى. ولاردىڭ اراسىندا جانساقتاۋ بٶلٸمٸندە اۋىر حالدە جاتقان تٷركٸستان وبلىسى تجق قب باستىعىنىڭ ورىنباسارى, ازاماتتىق قورعاۋ پودپولكوۆنيگٸ باقىتجان ابدۋعاپپاروۆ بار بولاتىن. بٷگٸنگٸ تاڭدا ونىڭ جاعدايى جاقسارعان.
قازٸرگٸ تاڭدا تٷركٸستان قالالىق پوليتسييا باسقارماسىنىڭ تەرگەۋشٸلەرٸمەن قوناقٷيدٸڭ ٶرتكە ورانۋى بويىنشا قر قىلمىستىق كودەكسٸنٸڭ 292-بابى «ٶرت قاۋiپسiزدiگi تالاپتارىن بۇزۋ» بويىنشا سوتقا دەيٸنگٸ تەرگەپ-تەكسەرۋ امالدارى جٷرگٸزٸلۋدە. ساراپتامالار تاعايىندالدى. تەرگەپ-تەكسەرۋ بارىسىندا وقيعانىڭ بارلىق مەن-جايى, ونىڭ ٸشٸندە ٶرتتٸڭ شىعۋ سەبەبٸ انىقتالاتىن بولادى.
