تۇرعىن ٷيلەرگە گاز جەتكٸزۋ قىزمەتٸن كٶرسەتەتٸن كومپانييالار تەحنيكالىق جابدىقتى دۇرىس پايدالانۋ ٷشٸن دە جەكە جاۋاپتى بولادى. بۇل تۋرالى قر تٶتەنشە جاعدايلار مينيسترٸ يۋريي يلين ايتتى, دەپ حابارلايدى قازاقپارات.
«تٷركٸستان وبلىسىنداعى قايعىلى جاعدايعا كەلسەك, ماماندار بۇل ٷيلەردٸ ارالاپ شىققان. بٸزدٸڭ قىزمەتكەرلەر تۇرعىندارعا گاز-تەحنيكالىق جابدىقتىڭ قاۋٸپسٸزدٸك ەرەجەلەرٸ بويىنشا نۇسقاۋلىق ٶتكٸزگەن. اتالعان ٷي دە ەسەپتە تۇرعان. بٸراق مۇنداي ارالاۋ جۇمىستارى دا وتباسىن قايعىلى وقيعادان قۇتقارا المادى», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
مينيستر تۇرعىنداردى ٶرتكە قارسى قاۋٸپسٸزدٸك شارالارىن جەنە گاز-تەحنيكالىق جابدىقتاردى پايدالانۋ تالاپتارىن قاداعالاۋعا شاقىردى.
«گاز جەتكٸزۋ بويىنشا تۇرعىن ٷيلەرگە تٸكەلەي قىزمەت كٶرسەتەتٸن كومپانييالار كەلٸسٸمشارتتا جازىلعانداي, تەحنيكالىق جابدىقتىڭ دۇرىس پايدالانىلۋى ٷشٸن دە جەكە جاۋاپتى بولادى. تٷركٸستانداعى جاعداي بويىنشا دا كەلٸسٸمشارت جاسالعان كومپانييا وسى جابدىققا تەحنيكالىق كۋەلاندىرۋ جٷرگٸزۋگە جەنە گاز-تەحنيكالىق جابدىقتى دۇرىس پايدالانۋ تۇجىرىمداماسىن بەرۋگە مٸندەتتٸ بولعان», - دەپ تٷسٸندٸردٸ يۋريي يلين.
ەسكە سالا كەتسەك, 17 اقپاندا تٷركٸستان وبلىسىنداعى جەكە تۇرعىن ٷيدە 5 ادامنىڭ دەنەسٸ تابىلدى, ونىڭ تٶرتەۋٸ كەمەلەكەتكە تولماعان.
تەكسەرۋ بارىسىندا 3 بٶلمەلٸ ٷيدە كامين تٷرٸندەگٸ پەش (يران پەشٸ) ورناتىلعانى جەنە وعان گوفرلەنگەن بۇرعىش قوسىلعانى انىقتالدى. ول 1,5 مەتر قاشىقتىقتا قابىرعاداعى تەسٸك ارقىلى كٶشەگە شىعارىلعان. سىرتقى جاعىنان گوفرلەنگەن روزەتكا 5-7 سم عانا قۇرايدى, وسىلايشا قاتتى جەل پەشتەگٸ تارتىلىستىڭ ناشارلاۋىنا ىقپال ەتٸپ, ۋلى گاز بٶلمە ٸشٸنە تارالعان.
