20 ناۋرىزدا تٷركٸستان وبلىستىق مەسليحاتىنىڭ كەزەكتەن تىس حححIII سەسسيياسى ٶتتٸ, دەپ حابارلايدى وبلىستىق ەكٸمدٸكتٸڭ باسپاسٶز قىزمەتٸ.
وندا قازاقستان پرەزيدەنتٸ قاسىم-جومارت توقاەۆتىڭ پارلامەنت پالاتالارىنىڭ بٸرلەسكەن وتىرىسىندا تۇڭعىش پرەزيدەنتتٸڭ ەسٸمٸن مەڭگٸلٸككە قالدىرۋ ٷشٸن وبلىس ورتالىقتارىنداعى نەگٸزگٸ كٶشەلەردٸڭ بٸرٸن نۇرسۇلتان نازارباەۆتىڭ ەسٸمٸمەن اتاۋ تۋرالى باستاماسى قارالدى.
سەسسييا شەشٸمٸ بويىنشا وبلىس ورتالىعىنداعى اربات داڭعىلىنا نۇرسۇلتان نازارباەۆ ەسٸمٸ بەرٸلۋ تۋرالى ۇسىنىس ايتىلىپ, ول دەپۋتاتتار تاراپىنان قولداۋ تاپتى.
نەتيجەسٸندە تٷركٸستان قالاسىنداعى ٸرٸ كٶشەلەردٸڭ بٸرٸ - اربات داڭعىلىنا نۇرسۇلتان نازارباەۆتىڭ ەسٸمٸ بەرٸلدٸ.
بۇل داڭعىل بەكزات ساتتارحانوۆ داڭعىلىنىڭ قيىلىسىنان باستاپ, تەۋكە حان داڭعىلى مەن نەزٸر تٶرەقۇلوۆ كٶشەسٸنٸڭ قيىلىسىنا دەيٸنگٸ ارالىقتى قامتيدى.
ەسكە سالا كەتەيٸك, 2018 جىلدىڭ ماۋسىم ايىندا ۇلت كٶشباسشىسى نۇرسۇلتان نازارباەۆ وڭتٷستٸك قازاقستان وبلىسىن تٷركٸستان وبلىسى دەپ قايتا قۇرۋ تۋرالى جارلىق شىعارعان بولاتىن. بٷگٸنگٸ تاڭدا تٷركٸستان قالاسى وبلىس ورتالىعى رەتٸندە قارقىندى تٷردە دامىپ كەلەدٸ. قالادا اۋقىمدى قۇرىلىس جۇمىستارى جٷرگٸزٸلٸپ جاتىر.
سونداي-اق ٶسكەمەن مەن پاۆلودار, تالدىقورعانداعى تەۋەلسٸزدٸك داڭعىلدارىنا, ورالداعى دوستىق داڭعىلىنا, كٶكشەتاۋداعى گوركيي داڭعىلىنا, شىمكەنتتەگٸ استانا كٶشەسٸنە, پەتروپاۆل مەن قاراعاندىداعى مير كٶشەلەرٸنە نازارباەۆتىڭ اتى بەرٸلدٸ. كٶشە اتاۋلارىن ٶزگەرتۋ تۋرالى شەشٸمدٸ قالالىق مەسليحاتتار قابىلدادى.
ايتا كەتەيٸك, 20 ناۋرىزدا پارلامەنتتٸڭ قوس پالاتاسىنىڭ بٸرلەسكەن وتىرىسىندا قازاقستان حالقىنا انت بەرٸپ, پرەزيدەنت قىزمەتٸنە كٸرٸسكەن قاسىم-جومارت توقاەۆ مەملەكەت استاناسىنا ەلدٸڭ تۇڭعىش پرەزيدەنتٸ نۇرسۇلتان نازارباەۆتىڭ ەسٸمٸن بەرۋدٸ ۇسىندى. ول "وبلىس ورتالىقتارىنداعى نەگٸزگٸ كٶشەلەرگە نازارباەۆ اتىن بەرۋ كەرەك" دەدٸ. وسى كٷنٸ پارلامەنت استانا اتاۋىن نۇرسۇلتان دەپ ٶزگەرتۋ تۋرالى زاڭ جوباسىن قابىلداعان.
