تەۋەلسٸزدٸك كٷنٸ قارساڭىندا تٷركٸستان قالاسىندا بەلگٸلٸ كومپوزيتور شەمشٸ قالداياقوۆقا ەسكەرتكٸش ورناتىلدى, دەپ حابارلايدى "ۇلت اقپارات".
ەسكەرتكٸش «اقجايىق» مۋزىكا مەكتەبٸنٸڭ الدىندا ورىن تەپتٸ.
كومپوزيتسييانىڭ اشىلۋ سالتاناتىنا وبلىس ەكٸمٸ ٶمٸرزاق شٶكەەۆ, قر پارلامەنتٸ سەناتىنىڭ دەپۋتاتى ەلٸمجان قۇرتاەۆ, حالىقارالىق «الاش» ەدەبي سىيلىعىنىڭ لاۋرەاتى كٶپەن ەمٸربەك, مۋزىكالىق پروديۋسەر قالدىبەك قۇرماناليەۆ, «ش.قالداياقوۆ» پويىزىمەن الماتىدان ارنايى كەلگەن قوناقتار, زييالى قاۋىم ٶكٸلدەرٸ مەن جۋرناليستەر قاتىستى.
«تٷركٸستان وبلىسى – قازاق دالاسىنا قانشاما دارىندى سىيلاعان كيەلٸ مەكەن. ەنٸمەن كەڭ دالانى تەربەتٸپ, «قازاق ۆالسٸنٸڭ كورولٸ» اتانعان, قازاقستان رەسپۋبليكاسى ەنۇرانىنىڭ اۆتورى شەمشٸ قالداياقوۆتىڭ بيىل تۋعانىنا 90 جىل تولىپ وتىر. وتىراردا تۋىپ, ەن پاديشاھى اتانعان, قايتالانباس دارىن يەسٸنٸڭ ەسٸمٸن ۇلىقتاۋ – بٸزگە ارتىلعان ابىرويلى مٸندەت. تٷركٸستان قالاسىنىڭ جاڭا ورتالىعىندا بوي كٶتەرگەن كومپوزيتوردىڭ ەسكەرتكٸشٸ – وبلىس جۇرتشىلىعىنا, قازاق ەلٸنە مەرەكە قارساڭىندا تاماشا تارتۋ بولىپ وتىر», - دەدٸ وبلىس ەكٸمٸ.
دەمەۋشٸلەر ەسەبٸنەن قارجىلاندىرىلعان ەسكەرتكٸش قولادان قۇيىلعان. بيٸكتٸگٸ – 2,5 مەتر, ۇزىندىعى – 3,5 مەتر. اۆتورى – قازاقستاننىڭ ەڭبەك سٸڭٸرگەن ٶنەر قايراتكەرٸ, كەسٸبي شەبەر مٷسٸنشٸ تٸلەۋبەردٸ بيناشەۆ.
كومپوزيتسييادا قالداياقوۆتىڭ شىعارماشىلىق وي ٷستٸندە وتىرعان سەتٸ بەينەلەنگەن.
«سازگەر بەينەسٸنٸڭ جاس جەتكٸنشەكتەردٸ ٶنەرگە, مەدەنيەتكە باۋليتىن «اقجايىق» مۋزىكا مەكتەبٸنٸڭ اۋلاسىندا بوي كٶتەرۋٸ – زاڭدىلىق. حالىقتىڭ سۋرەتكە تٷسۋٸنە, جاقىنىراق كەلٸپ كٶرۋٸنە ىڭعايلى.
قازاق رۋحانيياتىنىڭ جاندانۋىنا ٶلشەۋسٸز ٷلەس قوسىپ, بٷكٸل قازاق جەرٸن تەربەتكەن شەمشٸ بەينەسٸ جاس ٶنەرپازداردى ٸزگٸلٸككە باعىتتايتىن باعدارى بولارى سٶزسٸز. تٷركٸ جۇرتىنىڭ رۋحاني استاناسى – تٷركٸستان قالاسىندا دارىندى تۇلعالاردىڭ ەسٸمٸ ۇلىقتالۋى – قازاق رۋحانيياتىنداعى ٸلكٸمدٸ ٸستٸڭ بٸرٸ», - دەدٸ تٷركٸستان وبلىسى ەكٸمٸنٸڭ باسپاسٶز قىزمەتٸنەن.
