بٷگٸن تٷركٸستاندا ٶزبەكەلٸ جەنٸبەكوۆتٸ ەسكە الۋعا ارنالعان دٶڭگەلەك ٷستەل ٶتتٸ. ۇلت رۋحىن ۇلىقتاعان تۇلعانىڭ 90 جاسقا تولۋىنا وراي ٶتكەن شاراعا قر مەدەنيەت جەنە سپورت مينيسترٸ ا. رايىمقۇلوۆا, تٷركٸستان وبلىسى ەكٸمدٸگٸنٸڭ ٶكٸلدەرٸ, ەلٸمٸزدٸڭ بەلدٸ قوعام, مەدەنيەت جەنە عىلىم قايراتكەرلەرٸ قاتىستى, دەپ حابارلايدى قازاقپارات.
مينيستر اقتوتى رايىمقۇلوۆا سالتاناتتى جيىندى اشۋ سٶزٸندە بيىل تٷركٸتٸلدەس مەملەكەتتەردٸڭ ىنتىماقتاستىق كەڭەسٸنٸڭ بەيرەسمي سامميتٸنٸڭ قورىتىندىسى بويىنشا تٷركٸستان قالاسى – تٷركٸ ەلەمٸنٸڭ رۋحاني استاناسى دەپ جارييالانعاندىعىن اتاپ ٶتە كەلە, ەلٸمٸزدە رۋحاني قازىنامىزدى ساقتاپ, ۇرپاققا جەتكٸزۋدٸ كٶزدەيتٸن مەملەكەتتٸك دەڭگەيدەگٸ تٷرلٸ باستامالار تۇراقتى تٷردە قابىلدانىپ كەلەتٸندٸگٸن جەتكٸزدٸ. سونىمەن قاتار, مينيستر ٶزبەكەلٸ جەنٸبەكوۆتٸڭ XX عاسىردىӊ 70-شٸ جىلدارى كەڭەس ٷكٸمەتٸنٸڭ دەۋٸرلەپ تۇرعان ۋاقىتىندا قوجا احمەت ياساۋي كەسەنەسٸنٸӊ قايتا قالپىنا كەلتٸرٸلۋٸنە ۇيىتقى بولىپ, ەۋليە كەسەنەسٸ نەگٸزٸندە «ەزٸرەت سۇلتان» قورىق-مۋزەيٸنٸڭ قۇرىلۋىنا وراسان زور ەڭبەك ەتكەندٸگٸنە ەرەكشە توقتالدى.
«وسىنداي ٸرٸ تۇلعا قازاقساننىڭ مەدەنيەتٸنە, تاريحىنا ٶزٸنٸڭ ەڭبەگٸن سٸرٸپ كەتكەن ۇلت ازاماتى, ۇلت رۋحىن ۇلىقتاعان ٶزبەكەلٸ جەنٸبەكوۆتٸڭ مۇراسى الدا دا ٶزٸنٸڭ جالعاسىن تابادى دەپ ويلايمىن. سونىمەن قاتار جاستاردى تەربيەلەۋدە, ٶزٸمٸزدٸڭ ەگەمەندٸگٸمٸزدٸڭ ەرٸ قاراي ۇلىقتاۋىنا جەنٸبەكوۆتٸڭ مۇراسى سەپتٸگٸن تيگٸزەدٸ دەگەن سەنٸمدەمٸن»,- دەدٸ اقتوتى رايىمقۇلوۆا.
ٶزبەكەلٸ جەنٸبەكوۆتى ەسكە الۋ شارالارى دٶڭگەلەك ٷستەلمەن شەكتەلٸپ قويماي, تاقىرىپتىق كٶرمەنٸڭ اشىلۋى, پروفەسسور قۇلبەك سەرسەنۇلىنىڭ «ۇلتتىڭ ۇيىتقىسى» اتتى ٶ.جەنٸبەكوۆ تۋرالى ەستەلٸك كٸتاپتىڭ تۇساۋكەسەر رەسٸمٸ جەنە «تۇران» ەتنوگرافييالىق توبىنىڭ كونتسەرتٸمەن جالعاستى.
ايتا كەتۋ كەرەك, ۇلتتىق مەدەنيەتٸمٸزدٸڭ قايتا جاڭعىرۋىنا ەرەكشە ٷلەس قوسقان قايراتكەردٸ ۇلىقتاۋ ماقساتىندا مەدەنيەت جەنە سپورت مينيسترلٸگٸ 2018 جىلدان بەرٸ مەدەنيەت جەنە ٶنەر سالاسى ۇيىمدارى مەن قىزمەتكەرلەرٸنٸڭ «رۋحاني قازىنا» رەسپۋبليكالىق فەستيۆالٸندە ٶزبەكەلٸ جەنٸبەكوۆ اتىنداعى ارنايى جٷلدەنٸ تاعايىنداپ كەلەدٸ. بٷگٸندە تٷركٸستان وبلىسىندا وتىرار مەملەكەتتٸك ارحەولوگييالىق مۋزەي-قورىعىنا قاراستى ارىستانباب كەسەنەسٸنٸڭ ٸرگەسٸندە ياسساۋي ٸلٸمٸن جالعاستىرۋشى قۇربان جامانبايۇلى مەن ٶزبەكەلٸ جەنٸبەكوۆتٸڭ كەسەنەسٸ ورنالاسقان. بۇل كەسەنەلەر وتىرار مۋزەي-قورىعىنىڭ اۋماعىندا بولۋىنا بايلانىستى ا. رايىمقۇلوۆا مەدەنيەت كوميتەتٸنە اتالمىش مۋزەي-قورىعىنىڭ قاراماعىنا الۋ بويىنشا جۇمىستاردى جٷرگٸزۋدٸ تاپسىردى.
