بٷگٸن تٷركٸستان وبلىستىق «فاراب» كٸتاپحاناسىندا مەملەكەت جەنە قوعام قايراتكەرٸ اسانباي اسقاروۆتىڭ 100 جىلدىعىنا ارنالعان «اسقاروۆتىڭ اققايىڭدارى» دراماسىنىڭ پرەمەراسى ٶتتٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
رايىمبەك سەيتمەتوۆ اتىنداعى تٷركٸستان سازدى دراما تەاترىنىڭ ەرتٸستەرٸ ساحنالاعان قويىلىمنىڭ اۆتورى – بەلگٸلٸ جازۋشى, دراماتۋرگ مارحابات بايعۇت.
رۋحاني كەشكە الماتى, شىمكەنت قالالارى مەن جامبىل وبلىسىنان اسانباي اسقاروۆپەن قىزمەتتەس بولعان تٷرلٸ سالانىڭ ارداگەرلەرٸ, قوعام قايراتكەرلەرٸ, عالىمدار, تۋىستارى, قالا تۇرعىندارى قاتىستى. قويىلىمنان سوڭ وبلىستىق ارداگەرلەر كەڭەسٸنٸڭ تٶراعاسى جەڭٸسبەك مەۋلەنقۇلوۆ سٶز سٶيلەپ, كٶزٸنە جاس الدى. سونىمەن قاتار تەاتر ۇجىمىنا جوعارى دەڭگەيدەگٸ قويىلىم ٷشٸن العىس بٸلدٸردٸ. ال تٷركٸستان وبلىسى مەدەنيەت باسقارماسىنىڭ باسشىسى ەزٸمحان قويلىباەۆ: «بٷگٸنگٸ پرەمەرا كٶپشٸلٸكتٸڭ كٶڭٸلٸنەن شىقتى. كەز كەلگەن جٷرەكتەن شىققان دٷنيە جٷرەككە جەتەتٸنٸ بەلگٸلٸ. وعان بٸزدٸڭ ەرتٸستەردٸڭ شەبەرلٸگٸ دەلەل. دەل وسى رايىمبەك سەيتمەتوۆ تەاتر ۇجىمى جاز ايىندا رۋمىنييا ەلٸندە حالىقارالىق تەاتر فەستيۆالٸنٸڭ لاۋرەاتى اتانعان ەدٸ. شىعارماشىلىق تابىس تٸلەيمٸن, ەسەرلٸ قويىلىمدارمەن كٶرەرمەندٸ قۋانتا بەرٸڭٸزدەر», – دەدٸ.
درامادا بەلگٸلٸ مەملەكەت جەنە قوعام قايراتكەرٸ اسانباي اسقاروۆتىڭ كەڭەستٸك دەۋٸردٸڭ سوڭعى جىلدارىندا توتاليتارلىق رەجيمنٸڭ قۋعىن-سٷرگٸنٸنە تٷسٸپ, باسىنان ٶتكەرگەن قيىن-قىستاۋ تاعدىر جولى سۋرەتتەلەدٸ. وسى شىعارما ارقىلى كٶرەرمەن سول دەۋٸردە ورىن العان «كٶلەڭكەلٸ» ٸس-ەرەكەتتەردٸ, اسقاروۆتىڭ قازاق ەلٸنٸڭ بولاشاعى ٷشٸن كٷرەسكەن بەينەسٸن كٶرە الادى. سونداي-اق شىعارماشىلىق ۇجىم «اسقاروۆتىڭ اققايىڭدارى» دراماسى ارقىلى بٷگٸنگٸدەي بەيبٸت ٶمٸردٸڭ بٸزگە وڭايلىقپەن كەلمەگەندٸگٸن, جاس ۇرپاق «قولدا بار التىننىڭ قادٸرٸن» بٸلٸپ, قاستەرلەۋ كەرەكتٸگٸن كٶرسەتەدٸ.
ايتا كەتەيٸك, باستى رٶلدەردٸ راۋان شىرىنبەكوۆ, تالعات قارىنباەۆ, باعلان تٶلەنديەۆ, مۇرات قۇرمانبەكوۆ, جاسۇلان تۇرعانباەۆ, كەمشات اشتەكوۆا, جاندوس ماحانوۆ, اياز يلياسوۆ سىندى كەسٸبي ەرتٸستەر سومدادى. اتالمىش درامانىڭ رەجيسسەرٸ, تەاتردىڭ كٶركەمدٸك جەتەكشٸسٸ – ايدار ناۋرىزباەۆ, قويۋشى سۋرەتشٸسٸ – قانات شەريەۆ, كوستيۋم سۋرەتشٸسٸ – لەززات جٷسٸپوۆا, كومپوزيتورى – قانات جۇماباەۆ, تەاتر ديرەكتورى – قر مەدەنيەت قايراتكەرٸ ەرجان يساتاەۆ.
