فوتو: قر عجبم
تٷركٸستاندا «Woosong University Kazakhstan» ۋنيۆەرسيتەتٸنٸڭ سالتاناتتى اشىلۋى ٶتتٸ, دەپ حابارلايدى Ult.kz.
جاڭا جوعارى وقۋ ورنىنىڭ اشىلۋى – قازاقستان مەن كورەيا رەسپۋبليكاسى اراسىنداعى بٸلٸم جەنە عىلىم سالاسىنداعى ستراتەگييالىق ىنتىماقتاستىقتى تەرەڭدەتۋدٸڭ ماڭىزدى قادامى.
ٸس-شاراعا قر پرەمەر-مينيسترٸنٸڭ ورىنباسارى ەرمەك كٶشەرباەۆ, كورەيا رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ چجو تە يك, قر عىلىم جەنە جوعارى بٸلٸم مينيسترٸ ساياسات نۇربەك, تٷركٸستان وبلىسىنىڭ ەكٸمٸ نۇرالحان كٶشەروۆ, سونداي-اق «ۆۋسونگ بٸلٸم قورىنىڭ» قۇرمەتتٸ تٶراعاسى جەنە باسقارما مٷشەسٸ كيم سون كيونگ مىرزا قاتىسىپ, قۇتتىقتاۋ سٶز سٶيلەدٸ.
قر پرەمەر-مينيسترٸنٸڭ ورىنباسارى ەرمەك كٶشەرباەۆ ٶز سٶزٸندە فيليال اشۋدىڭ تاريحي ماڭىزدىلىعىنا توقتالدى:
«قازاقستان رەسپۋبليكاسىنىڭ پرەزيدەنتٸ قاسىم-جومارت كەمەلۇلى توقاەۆتىڭ تاپسىرماسى بويىنشا ەلٸمٸزدە جەتەكشٸ شەتەلدٸك جوعارى وقۋ ورىندارىنىڭ فيليالدارىن اشۋ جۇمىستارى جٷرگٸزٸلٸپ جاتىر. قازٸرگٸ ۋاقىتتا ەرتٷرلٸ فورماتتا 40 ستراتەگييالىق ەرٸپتەستٸك ٸسكە اسىرىلىپ, ونىڭ 33-ٸ – شەتەلدٸك ۋنيۆەرسيتەت فيليالدارى. بٷگٸن بٸز تاريحي وقيعانىڭ كۋەسٸ بولىپ وتىرمىز – رۋحاني باي ەرٸ كٶنە تٷركٸستان قالاسىندا كورەيا رەسپۋبليكاسىنىڭ جەتەكشٸ ۋنيۆەرسيتەتٸنٸڭ فيليالى اشىلدى. بۇل ۋنيۆەرسيتەت تەك بٸلٸم بەرۋ الاڭى عانا ەمەس, حالىقارالىق ىنتىماقتاستىق, يننوۆاتسييالار ورتالىعى جەنە ەلٸمٸزدٸڭ ينتەللەكتۋالدىق كاپيتالىن قالىپتاستىراتىن جوعارى بٸلٸكتٸ ماماندار دايارلايتىن مەكەن بولادى», – دەپ اتاپ ٶتتٸ ۆيتسە-پرەمەر.
قر عىلىم جەنە جوعارى بٸلٸم مينيسترٸ ساياسات نۇربەك قازاقستاننىڭ ورتالىق ازيياداعى جەتەكشٸ بٸلٸم بەرۋ حابىنا اينالۋىنا باعىتتالعان جوبالاردىڭ ماڭىزدىلىعىن اتاپ ٶتٸپ, شەتەلدٸك جوعارى وقۋ ورىندارىنىڭ ەلٸمٸزدە فيليالدار اشۋى وسى ستراتەگييالىق ماقساتقا جەتۋدٸڭ ماڭىزدى بٶلٸگٸ ەكەنٸن ايتتى. مينيستر اتاپ ٶتكەندەي, جاڭا وقۋ جىلىندا ەسٸگٸن ايقارا اشقان «Woosong University Kazakhstan» – وسىنداي تابىستى سەرٸكتەستٸكتٸڭ جارقىن ٷلگٸسٸ.
فوتو: قر عجبم
مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسى بويىنشا ٷكٸمەت حالىقارالىق بٸلٸم بەرۋ ىنتىماقتاستىعىن دامىتۋ, شەتەلدٸك ۋنيۆەرسيتەت فيليالدارىن اشۋ جەنە ستۋدەنتتەر مەن وقىتۋشىلاردىڭ اكادەمييالىق ۇتقىرلىعىن قامتاماسىز ەتۋ باعىتىندا جٷيەلٸ جۇمىستار جٷرگٸزٸپ وتىر. ايتا كەتەيٸك, مەملەكەت باسشىسى قاسىم-جومارت توقاەۆتىڭ تاپسىرماسى اياسىندا قورقىت اتا اتىنداعى قىزىلوردا ۋنيۆەرسيتەتٸندە SeoulTech-پەن بٸرلەسٸپ جاساندى ينتەللەكت ينستيتۋتى اشىلدى. بٷگٸندە قازاقستان تاراپى SeoulTech, Woosong, Dong-Eui, KAIST سيياقتى جەتەكشٸ كورەيالىق ۋنيۆەرسيتەتتەرمەن تىعىز ىنتىماقتاستىق ورناتىپ, ەلٸمٸزدە العاشقى شەتەلدٸك فيليالدار مەن عىلىمي-زەرتتەۋ ورتالىقتارىن اشىپ, قوس ديپلومدى باعدارلامالار مەن اكادەمييالىق الماسۋ جوبالارىن ٸسكە اسىرىپ جاتىر.
سالتاناتتى ٸس-شارا بارىسىندا «Woosong University Kazakhstan» ديرەكتورى حۆا چون يون ۋنيۆەرسيتەتتٸڭ ميسسيياسى, نەگٸزگٸ بٸلٸم بەرۋ باعدارلامالارى, عىلىمي باعىتتارى جەنە حالىقارالىق سەرٸكتەستٸكتەرٸ تۋرالى كەڭٸنەن باياندادى.
شارا اياسىندا قۇرمەتتٸ قوناقتار ۋنيۆەرسيتەتتٸڭ «تٸلەكتەر كٸتابىنا» قول قويىپ, جاڭا وقۋ ورنىنىڭ تسيفرلىق كٸتاپحاناسى, وقۋ زالدارى مەن زاماناۋي اۋديتورييالارىمەن تانىستى. سونداي-اق ستۋدەنتتەرمەن كەزدەسٸپ, ولاردىڭ العاشقى وقۋ كٷندەرٸنە سەتتٸلٸك تٸلەدٸ.
