تٷركٸستان قالالىق پوليتسييا باسقارماسىنا جەرگٸلٸكتٸ تۇرعىن حابارلاسىپ, 22 جاستاعى سٸڭلٸسٸ كٶپٸردەن سەكٸرەيٸن دەپ جاتقانى تۋرالى حابارلامى بەرگەن, دەپ حابارلايدى "ۇلت اقپارات" پد سٸلتەمە جاساپ.
«تەرتٸپ ساقشىلارى وقيعا ورنىنا كەلدٸ. وسى كٷنٸ قىزمەتتە بولعان پوليتسييا لەيتەنانتى جەدەل ۋەكٸل ەرسۇلتان نۇرالىۇلى بيٸكتەن سەكٸرمەك بولعان ەيەلدٸڭ جانىنا جاقىندايدى. ول قىزعا كٷدٸك تۋدىرماۋ ٷشٸن كٶپٸرگە جاسىرىن مٸنٸپ, تۋ سىرتىنان كەلٸپ, كٶپٸردەن بٸر اياعىن شىعارىپ ٸلٸنٸپ تۇرعان قىزدى مىقتاپ ۇستاپ الىپ, قاۋٸپسٸز جەرگە شىعاردى», - دەلٸنگەن حابارلامادا.
تەكسەرۋ بارىسىندا ٶزٸنە قول سالماق بولعان جاس ەيەل جاقىن ارادا تۇرمىسقا شىققان. بەلگٸلٸ بولعانداي, وتباسىلىق كيكٸلجٸڭنەن سوڭ سۋيتسيد جاساماقشى بولعان.
