بٷگٸن تٷركٸستان وبلىسىنىڭ ورتالىعى - تٷركٸستان قالاسىنداعى ەكٸمشٸلٸك-ٸسكەرلٸك ورتالىعىندا "ٸسكەرلٸك ورتالىقتىڭ" العاشقى قۇرىلىس جۇمىستارى باستالدى, دەپ حابارلايدى "ۇلت اقپارات" تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
تۇتىنۋدىڭ جاڭا تەحنولوگييالارى قولدانىلاتىن زاماناۋي نىساننىڭ كاپسۋلاسىن سالعان ٶڭٸر باسشىسى جانسەيٸت تٷيمەباەۆ وسىناۋ تاريحي سەتتٸڭ ماڭىزدىلىعىنا توقتالىپ, بولاشاق ورتالىقتىڭ جوسپارىمەن بٶلٸستٸ. جيىنعا جەرگٸلٸكتٸ تٷركٸستاندىق تۇرعىندار قاتىسىپ, اقساقالدار جاعى باتاسىن بەردٸ.
"اۋدانى 50 مىڭ شارشى مەتردٸ قامتيتىن عيمارات 4 قاباتتان تۇرادى. مۇندا زاماناۋي تيٸمدٸ كەڭسەلەر, سۋ مەن ەنەرگييانى تيٸمدٸ پايدالانۋ جٷيەسٸ قاراستىرىلعان. ياعني, ٸسكەرلٸك ورتالىق اۆتوماتتاندىرىلعان "اقىلدى عيمارات" قاعيداسىمەن جوبالانعان", - دەدٸ وبلىس باسشىسى.
نىساننىڭ قۇرىلىسىن «BI group» جاۋاپكەرشٸلٸگٸ شەكتەۋلٸ سەرٸكتەستٸگٸ ٶز قاراجاتى ەسەبٸنەن جٷرگٸزۋدٸ ۇسىنىپ وتىر. العاشقى ٸرگەتاسى 2019 جىلدىڭ قاڭتار ايىنان باستاپ قالاناتىن ورتالىقتىڭ جوسپار بويىنشا اياقتالۋى 2020 جىلدىڭ ناۋرىز ايىنا تۋرا كەلەدٸ دەپ كٷتٸلۋدە.
ەستەرٸڭٸزدە بولسا, قر پرەزيدەنتٸنٸڭ قاتىسۋىمەن 2018 جىلعى 29 قىركٷيەكتەگٸ ٶتكەن كەڭەستە ەلباسى ن.نازارباەۆ تٷركٸستان قالاسىندا سالىناتىن بٸرقاتار نىسانداردىڭ قۇرىلىسىن بيزنەس ٶكٸلدەرٸنٸڭ ٶز قاراجاتى ەسەبٸنەن جٷرگٸزۋ جٶنٸندە تاپسىرما بەرگەن بولاتىن. نەتيجەسٸندە, سول كەزدە وبلىستار مەن ۇلتتىق كومپانييالار, ٸرٸ قۇرىلىس ۇيىمدارى, بيزنەس ٶكٸلدەرٸ جەنە شەتەلدٸك ينۆەستورلار تاراپىنان بٸرقاتار قۇرىلىس نىساندارىن ٸسكە اسىرۋعا ۇسىنىستار ەنگٸزٸلٸپ, قولداۋ تاپقان-دى. سولاردىڭ بٸرٸ بٷگٸنگٸ قۇرىلىسى باستالعالى وتىرعان دەمەۋشٸسٸ «BI group» جشس-ٸ بولىپ تابىلاتىن ٸسكەرلٸك ورتالىق عيماراتى بولعالى وتىر.
