بٷگٸن تٷركٸستان قالاسىنداعى «فاراب» ەمبەباپ عىلىمي كٸتاپحاناسىنىڭ كونتسەرت زالىندا وبلىستىق «بابادان قالعان – اسىل سٶز» جاس تەرمەشٸلەر بايقاۋى ٶتتٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
تٷركٸستان وبلىستىق مەدەنيەت باسقارماسى مەن وبلىستىق مەدەنيەت جەنە حالىق شىعارماشىلىعى ورتالىعى بيىلعى «بالالار جىلىنا» وراي تٷركٸستان قالاسىندا جىل باسىنان بەرٸ «بال تاڭداي» وبلىستىق بالالار ٶنەر فەستيۆالٸن ۇيىمداستىرىپ كەلەدٸ.
جىر دوداسىن وبلىستىق مەدەنيەت جەنە حالىق شىعارماشىلىعى ورتالىعىنىڭ ديرەكتورى مەيٸرجان الياكباروۆ اشىپ بەرٸپ, شارانىڭ ماڭىزدىلىعىنا توقتادى. تەرمە ٶنەرٸن دامىتۋ كەرەكتٸگٸن العا تارتىپ, وسىنداي سايىستاردى ۇيىمداستىرۋ ارقىلى جاس تالانت يەلەرٸ انىقتالاتىنىن جەتكٸزدٸ. سونداي-اق قاتىسۋشىلارعا سەتتٸلٸك تٸلەدٸ. «بابادان قالعان – اسىل سٶز» وبلىستىق جاس تەرمەشٸلەر بايقاۋىنا 8-16 جاس ارالىعىنداعى 14 ٷمٸتكەر قاتىسىپ, ٶنەر كٶرسەتتٸ. مۇندا قاتىسۋشىلار ەرەجە بويىنشا ەكٸ شىعارما, ياعني وڭتٷستٸكتٸڭ ماقىمىنان بٸر تەرمە جەنە ەركٸن تاقىرىپتا بٸر تەرمە ورىندادى. بايقاۋدىڭ ەدٸل قازىلار قۇرامىندا ابىلاي بٶرٸحانوۆ, رۋسلان اقىنبەكوۆ, مۇرات جۇمانوۆ بار.
ەدٸل قازىلار شەشٸمٸمەن باس جٷلدە تٷركٸستان قالاسىنىڭ ٶنەرپازى بەردالى ورىنباسارعا بۇيىردى. ال وتىرار اۋدانىنان جولدىباي ەرزات ٸ ورىن يەگەرٸ, سايرام اۋدانىنان نىشانباي سۇلتانمۇحامەد پەن تٶلەبي اۋدانىنان مۇرات نۇرعيسا ٸٸ ورىن يەگەرٸ, ارىس قالاسىنان ابدراحمان ارمان مەن تٷركٸستان قالاسىنان وسپان ينابات ٸٸٸ ورىن يەگەرٸ اتانسا, وبلىستىق مەدەنيەت جەنە حالىق شىعارماشىلىعى ورتالىعىنىڭ ارنايى جٷلدەسٸ تٷركٸستان قالاسىنان ارابدين ەسەلگە, مايلىقوجا سۇلتانقوجا اتىنداعى ارنايى جٷلدە تٷركٸستان قالاسىنان مەرالى اسىلزاتقا بۇيىردى. جەڭٸمپازدارعا ارنايى ستاتۋەتكا مەن ديپلوم جەنە قارجىلاي سىيلىق تابىستادى. ال جالپى بايقاۋعا قاتىسقان 14 قاتىسۋشىعا جاقىندا عانا تٷركٸستان وبلىستىق مەدەنيەت باسقارماسىنىڭ قولداۋىمەن تٷركٸستان ماقامدارى نەگٸزٸندە جارىق كٶرگەن «تەكتٸ سٶزدٸڭ تٶرەسٸ» تەرمەلەر جيناعى مەن ديپلومدار بەرٸلدٸ.
ايتا كەتەيٸك, ٶنەر بايقاۋىنىڭ ماقساتى – قازاق ٶنەرٸنٸڭ جەتٸستٸكتەرٸن ناسيحاتتاپ, ونىڭ ٶركەندەۋٸنە ىقپال جاساۋ, بالالار اراسىنداعى تەرمە ٶنەرٸن دامىتۋ, جاس دارىندى تەرمەشٸلەردٸ انىقتاپ, ولارعا قولداۋ كٶرسەتۋ, سونىمەن قاتار, وڭتٷستٸك ٶڭٸردە قالىپتاسقان ٶزٸندٸك دەستٷرلٸ ٶنەر مەكتەبٸن كٶپشٸلٸككە ناسيحاتتاۋ.
