بٷگٸن تٷركٸستان قالاسىندا العاش رەت «AGROFEST-2018» اۋىل شارۋاشىلىعى فەستيۆالٸ ٶتتٸ. «ەسٸمحان» الاڭىندا ٶتكەن شاراعا اۋىل شارۋاشىلىعى سالاسىنىڭ ارداگەرلەرٸ, ەڭبەك وزاتتارى, كەسٸپكەرلەر, حالىق قالاۋلىلارى مەن سالا ماماندارى قاتىستى.
مەرەكەلٸك جيىندا وبلىس ەكٸمٸ جانسەيٸت تٷيمەباەۆ سالا ماماندارىن كەسٸبي مەركەلەرٸمەن قۇتتىقتاپ, ايماقتىڭ جەتٸستٸكتەرٸنە توقتالدى.
«ٶڭٸرٸمٸزدەگٸ اۋىل شارۋاشىلىق سالاسىنىڭ جالپى ٶنٸم كٶلەمٸ 475,6 ملرد. تەڭگەگە جەتٸپ, رەسپۋبليكادا 2 ورىنعا قول جەتكٸزدٸك. كٶكٶنٸس, باقشا داقىلدارىنان 2,8 ملن. توننامەن رەكوردتىق ٶنٸم جينادىق. 500 مىڭ تونناعا جۋىق ٶنٸمدەر رەسەي, بەلارۋس, لاتۆييا, گەرمانييا مەملەكەتتەرٸنە, 1 ملن. تونناسى ەلٸمٸزدٸڭ سولتٷستٸك ٶڭٸرلەرٸنە جٶنەلتٸلدٸ. قارقىندى باۋلاردىڭ كٶلەمٸ 2800 گەكتارعا جەتٸپ, ەلدەگٸ جەمٸس-جيدەكتٸڭ 40 پايىزى, جٷزٸمنٸڭ 73 پايىزى تٷركٸستان وبلىسىندا ٶندٸرٸلدٸ. رەسپۋبليكاداعى سالىنعان جىلىجايلاردىڭ 77 پايىزى, تامشىلاتىپ سۋعارۋ ەدٸسٸنٸڭ 73 پايىزى دا بٸزدٸڭ ٶڭٸرگە تيەسٸلٸ. وبلىستا العاش رەت 6,2 مىڭ توننا ەت ەكسپورتتالىپ, رەسپۋبليكا ەكسپورتىنىڭ 41 پايىزىن قامتىدى. مۇنىڭ بارلىعى سٸزدەردٸڭ ەتكەن ەڭبەك, تٶككەن تەرمەن كەلگەن جەتٸستٸكتەر دەپ ايتۋعا تولىق نەگٸز بار», – دەدٸ جانسەيٸت قانسەيٸتۇلى.
فەستيۆال اياسىندا اۋىل شارۋاشىلىعى سالاسىندا بەلسەندٸلٸك تانىتىپ, ٷزدٸك كٶرسەتكٸشكە قول جەتكٸزگەن اۋدان, قالالار جەنە جەكە شارۋالار قر پرەمەر-مينيستردٸڭ ورىنباسارى اۋىل شارۋاشىلىعى مينيسترٸ ٶمٸرزاق ەستايۇلىنىڭ جەنە وبلىس ەكٸمٸنٸڭ مەدالدارى مەن ارنايى سەرتيفيكاتىنا يە بولدى. ٶڭٸر شارۋالارى «وزات استىق جيناۋشى», «وزات مال بورداقىلاۋشى», «وزات باقشا ٶسٸرۋشٸ» سىندى 21 نوميناتسييا بويىنشا ماراپاتتالدى. ودان بٶلەك, اۋدان - قالالار اراسىندا 16 باعىت بويىنشا ٷزدٸكتەر انىقتالدى.
سونداي-اق, شارا بارىسىندا كٶرمە ۇيىمداستىرىلىپ, وندا اۋىل شارۋاشىلىعى ٶنٸمدەرٸ, اسىل تۇقىمدى تٶرت تٷلٸك مالدىڭ تٷرلەرٸ مەن وزىق تەحنيكالار ۇسىنىلدى.
سونىمەن قاتار, اۋىل شارۋاشىلىعى ٶنٸمدەرٸنٸڭ جەرمەڭكەسٸ ٶتٸپ, وندا 182 توننا تابيعي تازا ٶنٸمدەر نارىقتاعى باعادان 15-20 پايىزعا ارزان باعادا ساۋدالاندى. قوناقتار ٷشٸن 1 توننا پالاۋ مەن 1 توننا باۋىرساق دايىندالىپ, كٶپشٸلٸككە تەگٸن تاراتىلدى.
الاڭدا ۇلتتىق سپورتتىڭ 12 تٷرٸنەن سايىستار ٶتكٸزٸلٸپ, اۋدانداردان جينالعان بٸلەكتٸلەر مەن ۇلتتىق سپورتتىڭ شەبەرلەرٸ ٶزارا مىقتىلاردى انىقتادى. ٷزدٸك اتانعان بارلىق قاتىسۋشىلار مەن سپورتشىلارعا باعالى سىيلىقتار تابىس ەتٸلدٸ.
