تٷركٸستان قالاسىندا 5 ادامنىڭ ٶلٸمٸنە قاتىسى بار ەكٸ جشس ديرەكتورى 4 جىلعا باس بوستاندىعىنان ايىرىلدى, دەپ حابارلايدى قازاقپارات تٸلشٸسٸ.
ەسكە سالا كەتەيٸك, ٶتكەن جىلدىڭ اقپان ايىندا ۋلى گازدان ۋلانۋ سالدارىنان ەيەل مەن ونىڭ كەمەلەتكە تولماعان 4 بالاسى قازا تاپقان بولاتىن.
كٶپبالالى انا 41 جاستا ەدٸ. ال, ەڭ كٸشٸ بالاسى 4 جاستا.
تٶتەنشە وقيعادان تەك شىمكەنتتە ەم قابىلداپ جاتقان وتاعاسى عانا امان قالدى.
اتالعان ٸس بويىنشا تەرگەۋ شامامەن جەتٸ ايعا سوزىلدى. تٷرلٸ ساراپتامالار جٷرگٸزٸلٸپ, دەلەلدەر جيناقتالدى.
نەتيجەسٸندە ايىپتاۋ اكتٸسٸ بار ٸس سوتقا جولدانعان بولاتىن.
«بولاشاقتا مۇنداي قايعىلى جاعدايدى بولدىرماۋ مەن الدىن الۋ ٷشٸن بٸز اتالعان ٸس بويىنشا مۇقييات جۇمىس ٸستەدٸك. قر قك 306-بابى 3-بٶلٸگٸ بويىنشا سوتقا دەيٸنگٸ تەرگەۋ جٷرگٸزٸلدٸ. بٸردەن سوت-تەحنولوگييالىق ساراپتاما تاعايىندادىق. نەتيجەسٸندە ماماندار گاز جەلٸلەرٸن ورناتۋ جەنە مونتاجداۋ 4.03-01-2011 ج. قر قۇرىلىس نورمالارىنا سەيكەس كەلمەيدٸ دەگەن قورىتىندى بەردٸ. ياعني, گاز جابدىقتارىن ورناتۋ كەزٸندە جاۋاپتى ماماندار بٸرقاتار قاتەلٸك جٸبەرگەن. ەڭ باستىسى, تۇتىنۋشىلاردىڭ قاۋٸپسٸزدٸگٸ قامتاماسىز ەتٸلمەگەن, ال بۇل ەرينە, ادام ٶلٸمٸنە الىپ كەلەدٸ», - دەدٸ وبلىستىق پوليتسييا دەپارتامەنتٸ تەرگەۋ باسقارماسىنىڭ باستىعى, پوليتسييا پولكوۆنيگٸ نۇرماحان جالعاسوۆ.
تٷركٸستان قالاسىنىڭ سوتى اتالعان ٸس بويىنشا ٷكٸم شىعاردى. ەكٸ بٸردەي گاز كومپانيياسىنىڭ ديرەكتورى 4 جىلعا باس بوستاندىعىنان ايىرىلدى.
