فوتو: Gov.kz
تٷركٸستان ٶڭٸرٸندە جاڭا زاۋىتتار اشۋ, كەسٸپورىندار سالۋ جۇمىستارىنا باسىمدىق بەرٸلگەن. وسى باعىتتا جٷيەلٸ جۇمىس جٷرٸپ جاتىر. بۇل رەتتە ينۆەستورلار مەن كەسٸپكەرلەرگە ارنايى ينفراقۇرىلىممەن قامتىلعان ايماقتار قاجەت, دەپ حابارلايدى «ۇلت اقپارات».
سوندىقتان تٷركٸستان قالاسى ماڭىندا «Turan» ارنايى ەكونوميكالىق ايماعى قۇرىلىپ, ينجەنەرلٸك ينفراقۇرىلىممەن قامتۋ ماقساتىندا قۇرىلىس جۇمىستارى قارقىندى جٷرگٸزٸلٸپ جاتىر. تٷركٸستان وبلىسىنىڭ ەكٸمٸ دارحان ساتىبالدى اتالعان ايماققا بارىپ, جاي-كٷيٸمەن تانىستى.
– «Turan» ارنايى ەكونوميكالىق ايماعىنا ٷلكەن ٷمٸت ارتىلىپ وتىر. سوندىقتان ينفراقۇرىلىممەن قامتۋ جۇمىستارى ساپالى اتقارىلۋى تيٸس. وسى ايماقتا سۋ قورىن مولايتۋدى قولعا الىڭىزدار. كٶگالداندىرۋ دا نازاردان تىس قالماۋى تيٸس. اتالعان ايماقتا ورنالاساتىن جوبالاردى قازٸردەن ٸرٸكتەپ, ينۆەستورلارمەن, كەسٸپكەرلەرمەن تيٸستٸ جۇمىس جٷرگٸزٸڭٸزدەر, – دەگەن دارحان ساتىبالدى جاۋاپتىلارعا تاپسىرمالار بەردٸ.
«Turan» ارنايى ەكونوميكالىق ايماعىندا بٷگٸنگٸ تاڭدا ٶرت سٶندٸرۋ دەپوسى, گاز جٷيەلەرٸ, ينتەرنەت جەلٸسٸنٸڭ جۇمىستارى 100%-عا اياقتالعان. جولدىڭ 1,4 شاقىرىمىنا اسفالت جابىندىسى تٶسەلگەن. جولدى تولىق 2024 جىلدىڭ قازان ايىندا پايدالانۋعا بەرۋ جوسپارلانعان. تەمٸرجول قۇرىلىس جۇمىستارى 40%-عا ورىندالىپ, تەمٸرجولدىڭ 2,1 شاقىرىمىنا رەلستەر ورناتىلدى.
سونىمەن قاتار سۋ جەنە كەرٸز جەلٸلەرٸنٸڭ قۇرىلىس جۇمىستارى 70%-عا ورىندالىپ, سۋ قۇبىرىنىڭ 8,5 شاقىرىمى تارتىلدى. كەرٸز جٷيەسٸنٸڭ 3 شاقىرىمىنا قۇبىر جٷرگٸزٸلدٸ. اتالعان نىساندارىدىڭ قۇرىلىس جۇمىستارى جىل سوڭىنا دەيٸن تولىق اياقتالىپ, پايدالانۋعا بەرٸلەدٸ دەپ جوسپارلانۋدا.
ەلەكترمەن جابدىقتاۋ جۇمىستارىن اياقتاۋ 2025 جىلعا جوسپارلانعان. اتقارىلىپ جاتقان جۇمىستاردىڭ بارىسى وبلىس ەكٸمٸ مەن وبلىستىق قۇرىلىس باسقارماسى ماماندارىنىڭ تۇراقتى قاداعالاۋىندا.
«Turan» ارنايى ەكونوميكالىق ايماعىنداعى ينجەنەرلٸك ينفراقۇرىلىمداردىڭ قۇرىلىس جۇمىستارى اياقتالعان سوڭ, مۇندا 50-گە جۋىق كەسٸپورىن ورنالاسىپ, جۇمىسىن باستايدى. نەتيجەسٸندە, 1000-عا جۋىق جاڭا جۇمىس ورنى اشىلادى دەپ كٷتٸلٸپ وتىر.
