تٷركٸستان مۋزىكالىق دراما تەاترىنىڭ قورجىنى تاعى بٸر تاماشا تۋىندىمەن تولىقتى. 12-13 قاراشا كٷندەرٸ تٷركٸستان مۋزىكالىق دراما تەاترى جاس دراماتۋرگ الماس نٷسٸپتٸڭ پەساسىنا قويىلعان «ماعجان» سپەكتاكلٸنٸڭ پرەمەراسىن كٶرەرمەنگە ۇسىندى.
«ەكٸ كٷن قاتارىنان قويىلعان سپەكتاكل تالعامى بيٸك كٶرەرمەن كٶڭٸلٸنەن شىقتى. ەلٸمٸزگە تانىمال ەركەبۇلان دايىروۆ, زارينا كارمەن, الي مارات سىندى تەاتر ەرتٸستەرٸ جاس ماعجاننىڭ, ٶمٸرگە عاشىق ماعجاننىڭ, ەلٸ ٷشٸن باسىن قاتەرگە تٸككەن ماعجاننىڭ جەنە بٸرنەشە مەرتە گەنوتسيدكە ۇشىراعان قازاق حالقىنىڭ اۋىر تاعدىرىن كٶرەرمەنگە جەتكٸزە بٸلدٸ. ايتا كەتەيٸك, پرەمەراعا ارنالعان بيلەتتەردٸڭ بەرٸ ساتىلىپ كەتتٸ. بۇل – تٷركٸستاننىڭ رۋحاني جەنە مەدەني ورتالىققا اينالىپ كەلە جاتقانىنىڭ بەلگٸسٸ. تٷركٸستانداعى يگٸ ٶزگەرٸستەرگە داڭقتى اكتەر تۇڭعىشباي جامانقۇلوۆ تا توقتالىپ, جاس تەاتردىڭ ەڭبەگٸن جوعارى باعالادى» دەيدٸ تٷركٸستان وبلىسى ەكٸمدٸگٸنٸڭ باسپاسٶز قىزمەتٸ.
«ماعجان» سپەكتاكلٸ يدەياسىنىڭ اۆتورى جەنە كٶركەمدٸك جەتەكشٸسٸ – اينۇر كٶپباساروۆا, قويۋشى رەجيسسەرٸ – Davide Livermore (يتالييا) رەجيسسەر – Chiara Ocella, ستسەنوگراف – Eleonora Peronetti, كوورديناتور – Deidda Petra كومپوزيتورى – حاميت شانعاليەۆ, بالەتمەيستەرٸ – مادينا مۋراتپەكوۆا, گريم بويىنشا سۋرەتشٸ – ادەل نۇرقاسىموۆا.
ٶتكەن جىلى عانا اشىلعان جاس تەاتردىڭ اكتەرلەر قۇرامى دا 25 جاسقا دەيٸنگٸ جاستاردان قۇرالعان. «ماعجان» پەساسىن جازىپ تەاترعا ۇسىنعان جاس دراماتۋرگ – الماس نٷسٸپ. رولدەردە وينايتىن اكتەرلەردٸڭ دەنٸ جاستار. ماعجان جۇماباەۆ ٶزٸ جىرلاپ ٶتكەندەي, «مەن جاستارعا سەنەمٸن» يدەياسى تٷركٸستان مۋزىكالىق دراما تەاترىنىڭ ساحناسىندا جالعاسىن تاۋىپ وتىر دەسەك ارتىق ايتقاندىق ەمەس. جاستار – بولاشاققا باستار ناقتى ٸستەردٸڭ تەمٸرقازىعى. جاستار قولداۋى – مەملەكەتتٸڭ اسقاق بەدەلٸن ايقىن كٶرسەتە الاتىن ەرەكشە كٷش.
ماعجان جۇماباەۆ – الاش قوزعالىسىنىڭ قايراتكەرٸ, ۇلى اقىن, عالىم, اۋدارماشى. ول اعارتۋشىلىق, ۇلت-ازاتتىق, دەموكراتيياشىل باعىتتى ۇستانعان تۇلعا. ماعجان ٶلەڭدەرٸن ەلەۋمەتتٸك مەسەلەلەردٸ كٶتەرۋگە, حالقىن ٶنەر-بٸلٸمگە شاقىرۋعا, ماحاببات تاقىرىبىنا ارنادى ٶز پوەزيياسىنىڭ العاشقى قادامدارىنان باستاپ اقتىق دەمٸ بٸتكەنگە دەيٸن ماعجان جۇماباەۆ ۇلت ازاتتىق تاقىرىبىن ٷزبەي تولعادى, ونى ٶز پوەزيياسىنىڭ ٶزەگٸ ەتتٸ.
تٷركٸ حالىقتارىنىڭ بٸرلٸگٸ – ماعجان پوەزيياسىنىڭ ەۋەلدەن قالىپتاسقان التىن ارقاۋى بولدى. اعارتۋشىلىق سالاسىنداعى ٶمٸرٸ, ماحابباتى, ۇلتقا ادال قىزمەتٸ, قازاق دالاسىن جايلاعان اشتىق(1921-22 جىلدار) «ماعجان» سپەكتاكلٸنٸڭ تاقىرىبى. كٶرەرمەن سپەكتاكلدەن جاس ماعجاننىڭ, ٶمٸرگە عاشىق ماعجاننىڭ, ەلٸنٸڭ اۋىر حەلٸ ٷشٸن شەكسٸز ازاپ شەككەن, باسىن قاتەرگە تٸككەن ماعجاننىڭ جەنە بٸرنەشە مەرتە گەنوتسيدكە ۇشىراعان قازاق حالقىنىڭ اۋىر تاعدىرىن كٶرەدٸ.
سپەكتاكلدٸڭ عىلىمي كەڭەسشٸسٸ: قر ۇعا اكادەميگٸ, تاريح عىلىمدارىنىڭ دوقتورى, الاشتانۋشى, پروفەسسور مامبەت قويگەلديەۆ. رولدەردە وينايتىن ەرتٸستەر: قر ەڭبەك سٸڭٸرگەن قايراتكەرٸ ەركەبۇلان دايىروۆ, قر جاستار وداعى «سەرپەر» سىيلىعىنىڭ لاۋرەاتى زارينا كارمەنوۆا, قر ەڭبەك سٸڭٸرگەن قايراتكەرٸ قارابالين ساعىزباي, قر ەڭبەك سٸڭٸرگەن قايراتكەرٸ ەلٸمحان مىرزاحان, ەلي مارات, ەيگەرٸم قايراتقىزى جەنە تٷركٸستان مۋزىكالىق دراما تەاترىنىڭ ارتيستەرٸ. دەكوراتسييا زاماناۋي قۇرىلعىلارمەن جابدىقتالعان, شىنايى. ساحنالىق كيٸمدەر, رەكۆيزيتتەر شەبەر مامانداردىڭ ارنايى دايىنداۋىمەن جاسالدى. سپەكتاكلگە قازاقتىڭ قارا دومبراسىنىڭ ٷنٸنە نەگٸزدەلگەن ەكسكليۋزيۆتٸ مۋزىكا جازىلدى.
