تٷركٸستان وبلىسىنىڭ پوليتسەيلەرٸ تاۋدا جوعالىپ كەتكەن ستۋدەنتتەردٸ ٸزدەۋ جۇمىسى قالاي جٷرٸپ جاتقانىن ايتىپ بەردٸ, دەپ حابارلايدى "ۇلت اقپارات".
تٷركٸستان وبلىسى پوليتسييا دەپارتامەنتٸ باستىعىنىڭ ورىنباسارى, پوليتسييا پودپولكوۆنيگٸ قۇرمانبەك ساحوۆتىڭ ايتۋىنشا, 60 پوليتسەي تج قىزمەتكەرلەرٸمەن, شەكاراشىلارمەن جەنە ەرٸكتٸلەرمەن بٸرلەسٸپ, ٸزدەۋ جۇمىسىنا جۇمىلدىرىلعان.
بۇلار - نەگٸزٸنەن تاۋلى جەرلەردە باعدارلاۋدى بەس ساۋساعىنداي بٸلەتٸن جەنە بەلگٸلٸ بٸر تەجٸريبەسٸ بار جەدەل بٶلٸمشە قىزمەتكەرلەرٸ مەن ۋچاسكەلٸك ينسپەكتورلار.
«بٸزدٸڭ ٸزدەۋٸمٸز اۋا-رايى قۇبىلعان جاعدايدا دا قيىن. وندا جاۋىن بولسا, تۇمان بولسا قار جاۋادى. جىلدىڭ بارلىق مەزگٸلٸ بٸر ۋاقىتتا. تەك ٷشٸنشٸ كٷنٸ عانا تٸكۇشاقتى پايدالانۋ مٷمكٸندٸگٸ پايدا بولدى. ٸزدەۋ جۇمىسىن باستاعاندا تاۋدىڭ ەتەگٸ جاسىل ەرٸ كٷن ىستىق بولدى. سودان كەيٸن بٸز اتپەن جٷرە باستادىق. بٸر ۋاقىتتا ىستىق سالقىنمەن الماسىپ, سودان كەيٸن كٷن مٷلدەم سۋىپ كەتتٸ. جىلقىلاردى تاستاپ, ەرٸ قاراي جاياۋ جٷرۋگە تۋرا كەلدٸ. ۇلتتىق پاركتٸڭ بارلىق اۋماعى تاۋلى, قىرلى. كٶپ شاتقالدار مەن اعىسى قاتتى سۋىق ٶزەندەر. كەش تٷسٸپ, تٷن باستالعاننان سوڭ تاڭەرتەڭ ٸزدەۋدٸ قايتا جالعاستىرۋ ٷشٸن تاۋدا تٷنەدٸك. ٶيتكەنٸ ەر مينۋت قىمبات بولاتىن» دەيدٸ پوليتسييا پودپولكوۆنيگٸ.
قۇرمانبەك ساحوۆتىڭ سٶزٸنە سەنسەك, بٷگٸن جوعالعان جاستاردىڭ ٷشەۋٸ تابىلدى. ولاردى تٸكۇشاقپەن الىپ كەتكەن.
«ال بٸز ودان ەرٸ قاراي 4 جٸگٸتتٸ ٸزدەۋگە قايتادان كٸرٸسٸپ كەتتٸك. بۇل وقيعانىڭ سوڭى سەتتٸ اياقتالادى دەپ سەنەمٸن. اللادان بارلىق جوعالعان جاستاردىڭ تٷگەل تابىلىپ, ٶز وتباسىلارىنا دٸن امان ورالعانىن تٸلەيمٸن» دەيدٸ پد باستىعىنىڭ ورىنباسارى اعىنان جارىلىپ.
ەسكە سالا كەتەيٸك, بٸز وسىعان دەيٸن تٷركٸستان وبلىسىندا 7 ادامنىڭ جوعالىپ كەتكەنٸن جازعان ەدٸك.
سونداي-اق ٸزدەۋ جۇمىستارىنا تٸكۇشاق جۇمىلدىرىلعانى ايتىلدى.
كەيٸننەن جوعالعان جەتٸ تۋريستٸڭ ٷشەۋٸ امان تابىلعان بولاتىن.
