Túrkistan oblysynyń politseileri taýda joǵalyp ketken stýdentterdi izdeý jumysy qalai júrip jatqanyn aityp berdi, dep habarlaidy "Ult aqparat".
Túrkistan oblysy politsiia departamenti bastyǵynyń orynbasary, politsiia podpolkovnigi Qurmanbek Sahovtyń aitýynsha, 60 politsei TJ qyzmetkerlerimen, shekarashylarmen jáne eriktilermen birlesip, izdeý jumysyna jumyldyrylǵan.
Bular - negizinen taýly jerlerde baǵdarlaýdy bes saýsaǵyndai biletin jáne belgili bir tájiribesi bar jedel bólimshe qyzmetkerleri men ýchaskelik inspektorlar.
«Bizdiń izdeýimiz aýa-raiy qubylǵan jaǵdaida da qiyn. Onda jaýyn bolsa, tuman bolsa qar jaýady. Jyldyń barlyq mezgili bir ýaqytta. Tek úshinshi kúni ǵana tikushaqty paidalaný múmkindigi paida boldy. Izdeý jumysyn bastaǵanda taýdyń etegi jasyl ári kún ystyq boldy. Sodan keiin biz atpen júre bastadyq. Bir ýaqytta ystyq salqynmen almasyp, sodan keiin kún múldem sýyp ketti. Jylqylardy tastap, ári qarai jaiaý júrýge týra keldi. Ulttyq parktiń barlyq aýmaǵy taýly, qyrly. Kóp shatqaldar men aǵysy qatty sýyq ózender. Kesh túsip, tún bastalǵannan soń tańerteń izdeýdi qaita jalǵastyrý úshin taýda túnedik. Óitkeni ár minýt qymbat bolatyn» deidi politsiia podpolkovnigi.
Qurmanbek Sahovtyń sózine sensek, búgin joǵalǵan jastardyń úsheýi tabyldy. Olardy tikushaqpen alyp ketken.
«Al biz odan ári qarai 4 jigitti izdeýge qaitadan kirisip kettik. Bul oqiǵanyń sońy sátti aiaqtalady dep senemin. Alladan barlyq joǵalǵan jastardyń túgel tabylyp, óz otbasylaryna din aman oralǵanyn tileimin» deidi PD bastyǵynyń orynbasary aǵynan jarylyp.
Eske sala keteiik, biz osyǵan deiin Túrkistan oblysynda 7 adamnyń joǵalyp ketkenin jazǵan edik.
Sondai-aq izdeý jumystaryna tikushaq jumyldyrylǵany aityldy.
Keiinnen joǵalǵan jeti týristiń úsheýi aman tabylǵan bolatyn.
