تٷركٸستان وبلىسىندا پوليتسەيلەر جوعارىدان سەكٸرٸپ, ٶزٸنە قول جۇمساماق بولعان ەر ادامدى قۇتقارىپ قالدى, دەپ حابارلايدى "ۇلت اقپارات".
بٷگٸن شامامەن تاڭعى ساعات 9.30-دا تٷركٸستان قالالىق پوليتسييا باسقارماسىنىڭ 102 پۋلتٸنە بەلگٸسٸز ەر ادام قۇرىلىس كرانىنا كٶتەرٸلٸپ, ٶزٸنە قول جۇمساۋعا تىرىسقانى تۋرالى شۇعىل حابارلاما كەلٸپ تٷستٸ.
وقيعا ورنىنا بٸردەن پوليتسەيلەردٸڭ جەدەل تەرگەۋ توبى مەن پروكۋراتۋرا ٶكٸلدەرٸ شىقتى.
پوليتسەيلەر مەن پروكۋراتۋرا ٶكٸلدەرٸ كرانعا شىعىپ العان ەر ازاماتقا تٷسٸندٸرۋ جۇمىسىن جٷرگٸزدٸ.
تەرتٸپ ساقشىلارى ٶز-ٶزٸنە قول جۇمساماق بولعان تۇرعىننىڭ ەرەكەتٸنٸڭ قاۋٸپتٸ ەكەنٸن ايتىپ, مۇنداي قادامعا بارۋ مٷلدە دۇرىس ەمەس ەكەنٸن ۇعىندىردى.
ولار وسىلايشا ەر ادامدى كٶندٸرٸپ, تٶمەنگە امان ەسەن تٷسٸردٸ. سودان سوڭ ونى پوليتسييا باسقارماسىنا جەتكٸزدٸ.
قازٸرگٸ ۋاقىتتا جەرگٸلٸكتٸ تۇرعىننىڭ ٶمٸرٸ مەن دەنساۋلىعىنا تٶنٸپ تۇرعان ەشقانداي قاۋٸپ جوق.
اتالعان جايت تٸركەلدٸ. وقيعانىڭ بارلىق مەن-جايى انىقتالۋدا.
ٶز كەزەگٸندە تٷركٸستان وبلىسىنىڭ پوليتسەيلەرٸ ساقتىق شارالارى مەن قر زاڭناماسىن ساقتاۋدى ۇسىنادى.
«ەگەر سٸز وسىنداي وقيعاعا كۋە بولساڭىز, دەرەۋ 102 تەلەفونى بويىنشا پوليتسيياعا حابار بەرٸڭٸز» دەپ ەسكەرتەدٸ پوليتسييا.
