Túrkistan oblysynda politseiler joǵarydan sekirip, ózine qol jumsamaq bolǵan er adamdy qutqaryp qaldy, dep habarlaidy "Ult aqparat".
Búgin shamamen tańǵy saǵat 9.30-da Túrkistan qalalyq politsiia basqarmasynyń 102 pýltine belgisiz er adam qurylys kranyna kóterilip, ózine qol jumsaýǵa tyrysqany týraly shuǵyl habarlama kelip tústi.
Oqiǵa ornyna birden politseilerdiń jedel tergeý toby men prokýratýra ókilderi shyqty.
Politseiler men prokýratýra ókilderi kranǵa shyǵyp alǵan er azamatqa túsindirý jumysyn júrgizdi.
Tártip saqshylary óz-ózine qol jumsamaq bolǵan turǵynnyń áreketiniń qaýipti ekenin aityp, mundai qadamǵa barý múlde durys emes ekenin uǵyndyrdy.
Olar osylaisha er adamdy kóndirip, tómenge aman esen túsirdi. Sodan soń ony politsiia basqarmasyna jetkizdi.
Qazirgi ýaqytta jergilikti turǵynnyń ómiri men densaýlyǵyna tónip turǵan eshqandai qaýip joq.
Atalǵan jait tirkeldi. Oqiǵanyń barlyq mán-jaiy anyqtalýda.
Óz kezeginde Túrkistan oblysynyń politseileri saqtyq sharalary men QR zańnamasyn saqtaýdy usynady.
«Eger siz osyndai oqiǵaǵa kýá bolsańyz, dereý 102 telefony boiynsha politsiiaǵa habar berińiz» dep eskertedi politsiia.
