قازاقستان حالقى اسسامبلەياسى كەڭەسٸنٸڭ كەڭەيتٸلگەن وتىرىسىنا قر پرەزيدەنتٸ قاسىم-جومارت توقاەۆ تٷركٸستان وبلىسىندا دوستىق ٷيٸن سالۋدى تاپسىردى, دەپ حابارلايدى قازاقپارات.
پرەزيدەنتتٸڭ تٶراعالىق ەتۋٸمەن ٶتٸپ جاتقان وتىرىستا بٸرٸنشٸ بولىپ تٷركٸستان وبلىسىندا ەتنوسارالىق احۋال تالقىعا تٷستٸ.
«ستاتيستيكا بويىنشا, تٷركٸستان وبلىسىندا تٷرلٸ تۇرمىستىق جانجالدار از ەمەس. ٶزٸڭٸز دە مىسال رەتٸندە شورناق, قارابۇلاق ەلدٸ مەكەندەرٸندە بولعان وقيعالار تۋرالى ايتتىڭىز. تۇرمىستىق دەڭگەيدە بولسا دا, دەل وسىنداي جاعدايلارعا باسا مەن بەرۋ كەرەك. ەڭ الدىمەن مۇنداي وقيعالار ۇلتتىق سيپاتقا ۇلاسپاۋى قاجەت. بۇل – بٸرٸنشٸ مەسەلە. ەكٸنشٸ مەسەلە, تٷركٸستان وبلىسىندا دوستىق ٷيٸن اشۋ كەرەك. مۇنداي ٷيلەر ٶڭٸرلەردٸڭ بەرٸندە بار. مۇنداي ٷيلەر سالتاناتتى مەجٸلٸستەردٸڭ زالىنا اينالماۋى كەرەك. مەن بۇل تۋرالى كەيٸن كەڭٸرەك ايتام. دوستىق ٷيلەرٸ ساراپشىلاردى شاقىرىپ, تۋىندايتىن پروبلەمالاردى پراكتيكالىق تۇرعىدا تالقىلاي الاتىن حالىق ٶكٸلدەرٸن قابىلداۋى كەرەك. وسىعان قاتىستى قانداي جوسپارلارىڭىز بار», - دەپ سۇرادى مەملەكەت باسشىسى تٷركٸستان وبلىسىنىڭ ەكٸمٸنەن.
وبلىس ەكٸمٸ ٶمٸرزاق شٶكەەۆ ٶڭٸردە ەتنوسارالىق احۋالدىڭ تامىرىن باسىپ وتىراتىن مونيتورينگ ورتالىق جەمٸستٸ جۇمىس ٸستەپ تۇرعانىن اتادى.
«شىن مەنٸندە جاڭاعى شورناقتا, قارابۇلاقتا وقيعا ورىن الدى. ولاردىڭ الدىن الۋ ٷشٸن بٸزدە 2019 جىلدان باستاپ ەتنوسارالىق شيەلەنٸستەردٸ تٸكەلەي زەرتتەيتٸن مونيتورينگتٸك ورتالىق اشىلدى. وندا تەك قانا ەلٸمەتتەردٸ تەك بيلٸك ورىندارىنان ەمەس, جٷيەلٸ ەلەۋمەتتٸك جەلٸدەن, ازاماتتاردىڭ بەرگەن ٶتٸنٸشتەرٸنەن, شۇعىل مەلٸمەت جينايتىن قوعامدىق ورىنداردان جيناپ, سونى ساراپتاۋعا كٶشتٸ. سونىڭ ارقاسىندا 2019 جىلى شورناق ەلدٸ مەكەنٸندە وسىنداي تەۋەكەل بار ەكەنٸنە كٶزٸمٸز جەتتٸ. سول جەردە تيٸستٸ شارالار قولدانىپ, ەكٸ جاقتى قارييالارىن جيناپ, ولارمەن مەسليحات ٶتكٸزٸپ, سول جەردەگٸ قۇقىق قورعاۋ ورگاندارىنىڭ جۇمىسىن نىعايتىپ, ەرەكەت جاسادىق. سونىڭ ارقاسىندا 2020 جىلعى كيكٸلجٸڭ دە قانتٶگٸس تە بولماي, مەسەلە بٸرنەشە ساعاتتىڭ ٸشٸندە رەتتەلگەن بولاتىن» - دەدٸ ايماق باسشىسى.
سونداي-اق, ول پرەزيدەنتتٸڭ ەسكەرتپەسٸ بويىنشا تٷركٸستان ٶڭٸرٸندە جاڭا دوستىق ٷيٸ سالىناتىنىن ايتتى.
«بٸزدٸڭ اسسامبلەيانىڭ دوستىق ٷيٸ بولعان. بٸراق ول شىمكەنت قالاسىندا ورنالاسقان ەدٸ. ونى شىمكەنت قالاسىنىڭ سۇراۋىمەن قالا ەكٸمدٸگٸنٸڭ بالانسىنا بەردٸك. قازٸر اسسامبلەيا باسقارمالار ٷيٸندە ورنالاسقان. سٸزدٸڭ ايتقان ەسكەرتپەلەرٸڭٸزدٸ ەسكەرە وتىرىپ, جاڭا ٷلگٸدەگٸ دوستىق ٷيٸن سالامىز دەپ ويلايمىن, - دەدٸ ٶمٸرزاق شٶكەەۆ.
