فوتو: Gov.kz
سۋ جامبىل وبلىسىنداعى تاسٶتكەل سۋ قويماسىنان جٸبەرٸلدٸ. بۇل جۇمىس تابيعاتتى قورعاۋ ماقساتىنداعى سۋ جٸبەرۋ شارالارى اياسىندا بىلتىر قىركٷيەكتەن باستالىپ, بيىل سەۋٸردٸڭ سوڭىنا دەيٸن جٷرگٸزٸلدٸ, دەپ حابارلايدى Ult.kz.
سۋ سوزاق اۋدانىنا اقپان ايىندا جەتتٸ. قاجەتتٸ كٶلەمدٸ قامتاماسىز ەتۋ ٷشٸن سۋ رەسۋرستارى جەنە يرريگاتسييا مينيسترلٸگٸ قىرعىز رەسپۋبليكاسىنداعى ەرٸپتەستەرٸمەن بٸرنەشە كەلٸسسٶز جٷرگٸزدٸ.
سۋ رەسۋرستارى جەنە يرريگاتسيياسى مينيسترٸ نۇرجان نۇرجٸگٸتوۆتٸڭ تاپسىرماسى بويىنشا «قازسۋشاردىڭ» جامبىل فيليالى مەن شۋ-تالاس باسسەيندٸك ينسپەكتسيياسىنىڭ ماماندارى شۋ ٶزەنٸ اڭعارىندا مونيتورينگ جٷرگٸزٸپ, تابيعاتتى قورعاۋ ماقساتىنداعى سۋ جٸبەرۋ جۇمىستارىنىڭ نەتيجەسٸمەن تانىستى. جۇمىس توبى سوزاق اۋدانىمەن قاتار, جامبىل وبلىسىنىڭ شۋ, مويىنقۇم جەنە سارىسۋ اۋداندارىنا دا باردى.
مۇنداي كٶلەمدەگٸ سۋ سوزاق اۋدانىنا سوڭعى بەس جىلدا العاش رەت جەتٸپ وتىر, سول سەبەپتٸ جەرگٸلٸكتٸ تۇرعىندار مينيسترلٸككە العىس بٸلدٸرٸپ جاتىر.
«اۋدان حالقى اتىنان سۋدىڭ جەتكٸزٸلٸپ جاتقانىنا قۋانىشتى ەكەنٸمٸزدٸ ايتقىم كەلەدٸ. اپتاپ ىستىققا قاراماستان, سۋدى جەتكٸزۋ باعىتىنداعى جۇمىستى جالعاستىرىپ, ٶزدەرٸڭٸز جەرگٸلٸكتٸ جەرلەرگە شىعىپ, جاعدايدى باقىلاپ وتىرعاندارىڭىزعا العىس ايتامىز», – دەدٸ سوزاق اۋدانىنىڭ تۇرعىنى ريشات تاڭاتوۆ.
بيىل سونداي-اق سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆتٸڭ تاپسىرماسىمەن شۋ ٶزەنٸنەن سۋ سوزاق اۋدانىنا جٸبەرٸلەتٸن فۋرمانوۆ اينالما كانالىن تازارتۋ جوسپارلانىپ وتىر.
