تٷركٸستان وبلىسىندا جالپى قۇنى 12,7 ملرد تەڭگەگە 26 ينۆەستيتسييالىق جوبا ٸسكە قوسىلىپ, 1000-عا جۋىق جۇمىس ورنى اشىلدى, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
بيىل وبلىستىڭ نەگٸزگٸ كاپيتالىنا سالىنعان ينۆەستيتسييالار كٶرسەتكٸشٸ 340 ملرد. تەڭگەگە جۋىق. بۇل ٶتكەن جىلدىڭ تيٸستٸ كەزەڭٸمەن سالىستىرعاندا 1,7% جوعارى. جالپى جىلدىق جوسپار - 772,8 ملرد. تگ.
ٶڭٸردە 2022-2026 جىلدار ارالىعىندا جٷزەگە اسىرىلاتىن جالپى قۇنى 1,1 ترلن. تەڭگەگە 100-گە جۋىق ينۆەستيتسييالىق جوبا جٷزەگە اسىرۋ جوسپارلانۋدا. ونىڭ ٸشٸندە 10 ٸرٸ جوبا ٸسكە اسىرىلادى. اتاپ ايقاندا, «ساستٶبە» حيمييالىق كومپلەكسٸ جشس, «سوزاق فوسفات» جشس, «Standart Petrolleum» جشس, «Ocean Energy Company», «ساۋتس-ويل» جشس 2 جوبا, «Ecoculture Eurasia» جشس, «ARM wind» جشس, «Ecoinvest» جشس «پگۋ تۋركەستان» جشس. بۇل ٶندٸرٸس ورىندارىندا 10 مىڭعا جۋىق جاڭا جۇمىس ورىندارى اشىلادى.
جاڭا جوبالار ٶڭدەۋ ٶنەركەسٸبٸ, تۋريزم, اۋىل شارۋاشىلىعى, ەلەكترمەن قامتاماسىز, دەنساۋلىق ساقتاۋ سالاسىندا جٷزەگە اسادى. بيىلعى جىلدىڭ سوڭىنا دەيٸن جالپى قۇنى 45,1 ملرد. تەڭگەگە 44 ينۆەستتسيييالىق جوبا ٸسكە قوسۋ جوسپارلانعان, 1520 جۇمىس ورنى اشىلادى.
تٷركٸستان وبلىسىندا 9 يندۋستريالدى ايماق ورنالاسقان. جالپى اۋماعى 538 گا قۇرايدى. ونىڭ ٸشٸندە قازٸرگٸ تاڭدا 6 يندۋستريالدى ايماقتا قۇنى 34,169 ملرد.تگ. قۇرايتىن 44 جوبا ٸسكە قوسىلعان (تٷركٸستان, كەنتاۋ, سوزاق, قتيا-بادام (ورداباسى اۋدانى), ماقتاارال, قازىعۇرت), 2500 عا جۋىق جۇمىس ورىندارى اشىلعان.
شارادارا, تٷلكٸباس, بەيدٸبەك اۋداندارىندا ينفروقۇرىلىم جٷيەلەرٸمەن تولىق قامتاماسىز ەتۋ ٷشٸن تيٸستٸ قاراجات بٶلٸنگەن. بۇل جۇمىستار جاقىن ارادا اياياقتالاتىن بولادى. كەيبٸر اۋدانداردا اگرو-يندۋستريالدىق قۇرۋ جوسپارلانۋدا.
سونىمەن قاتار, تٷركٸستان قالاسىندا 2019 جىلى «TURKISTAN» ارنايى ەكونوميكالىق ايماعى قۇرىلعان. ونىڭ اۋماعى 4 گا قۇراپ, 6 قوسالقى ايماقتان تۇرادى. اتاپ ايتقاندا, تاريحي ورتالىق, ەكٸمشٸلٸك-ٸسكەرلٸك ورتالىق, ٶنەركەسٸپتٸك ايماقتار مەن ەۋەجاي ايماعى. «TURKISTAN» اەا - دا جالپى سوماسى 771,1 ملرد. تەڭگەگە 91 جوبالاردى جٷزەگە اسىرۋ بويىنشا شارتقا قول قويىلعان. ونىڭ ٸشٸندە 74 جوبا قالا قۇرىلىسى بويىنشا ٸسكە اسىرىلۋدا. جاڭا ٶنەركەسٸپ ورىندارى ٸسكە قوسىلىپ, 2 مىڭنان استام تۇراقتى جۇمىس ورنى قۇرىلدى. بارلىق جوبالار ٸسكە اسىرىلعاندا تاعى 8 مىڭداي جاڭا جۇمىس ورنى قۇرىلادى.
