تٷركٸستان وبلىسىندا پرەزيدەنتتٸڭ «حالىق ٷنٸنە قۇلاق اساتىن مەملەكەت» تۇجىرىمداماسىنا كٶشۋدەگٸ مٸندەتتەردٸ جٷزەگە اسىرۋ ماقساتىندا «ازاماتتاردى قابىلداۋدىڭ بٸرىڭعاي كٷنٸ» ۇيىمداستىرىلدى, دەپ حابارلايدى "ۇلت اقپارات".
اتالعان شارا اياسىندا وبلىستىق پوليتسييا دەپارتامەنتٸنٸڭ باستىعى, پوليتسييا گەنەرال-مايورى قايرات دەلبەكوۆ قابىلداۋعا الدىن الا جازىلعان تۇرعىندارمەن «ZOOM» پلاتفورماسى ارقىلى تٸلدەستٸ.
تۇرعىنداردىڭ مەسەلەسٸن شەشۋ ماقساتىندا جوسپارلانعان شاراعا دەپارتامەنت باستىعىنان بٶلەك ورىنباسارلارى مەن پوليتسييا باسقارما, بٶلٸمدەرٸنٸڭ باسشىلارى قاتىستى.
قابىلداۋعا جازىلعان ازاماتتاردىڭ بٸر بٶلٸگٸ تٸكەلەي ەفير ارقىلى ارىز-شاعىمىن جەتكٸزسە, ەندٸ بٸرقاتارى تەرگەۋشٸلەردٸڭ تيياناقتى جۇمىسىنا العىس ايتتى.
اراسىندا ٸشكٸ ٸستەر ورگانىنا قىزمەتكە ورنالاسۋ بويىنشا ٶز ساۋالىن جولداعاندار دا بولدى.
دەپارتامەنت باستىعى ازاماتتاردىڭ مەسەلەسٸنە مەن بەرٸپ, تيٸستٸ سالا باسشىلارىنا تاپسىرمالار جٷكتەدٸ. ياعني, الداعى ۋاقىتتا تۇرعىندار تاراپىنان تٷسكەن ەربٸر ساۋال بويىنشا جٷيەلٸ جۇمىستار جٷرگٸزٸلەتٸن بولدى.
«پوليتسييا حالىققا قولجەتٸمدٸ بولۋى تيٸس. ەسٸرەسە جۇرتقا جاقىن بولۋدا ۋچاسكەلٸك پوليتسەيلەرگە ارتىلار جٷك از ەمەس. ولار ەردايىم ٶز اۋماعىنداعى ازاماتتاردىڭ ارىز-شاعىمىنا دەن قويىپ, قىلمىستاردىڭ الدىن الۋ جۇمىستارىن جٷرگٸزٸپ وتىرۋى كەرەك»,-دەدٸ قايرات دەلبەكوۆ.
ايتا كەتەيٸك, جىل باسىنان بەرٸ ٶڭٸردٸڭ باس پوليتسەيٸ 158 ادامدى قابىلداعان بولاتىن. ونىڭ ٸشٸندە 69 تۇرعىنعا ونلاين رەجيمدە جاۋاپ بەردٸ.
ولاردان تٷسكەن سۇراقتاردىڭ باسىم بٶلٸگٸ ٶز مەرزٸمٸندە شەشٸمٸن تاپقان.
