تٷركٸستان وبلىسىنىڭ ەكٸمٸ دارحان ساتىبالدى «شاردارا ارمسپورت» سپورت كلۋبىنا باردى, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
بٷگٸندە ارمرەستلينگ سپورتىنان شاردارادان 102 ەلەم چەمپيونى شىعىپ وتىر. شاعالالى شاردارا اۋدانىنا جۇمىس ساپارىمەن بارعان ٶڭٸر باسشىسى داڭقى اسقاقتاپ تۇرعان سپورت كلۋبىنىڭ سايىپقىراندارىمەن جٷزدەستٸ. پٸكٸر الماسىپ, جەتٸستٸكتەرٸن جوعارى باعالادى.
جالپى «شاردارا ارمسپورت» كلۋبىندا قول كٷرەسٸ سپورتى بويىنشا 500-گە جۋىق سپورتشى بار. مۇندا سپورتشىلار 32 جاتتىقتىرۋشىنىڭ قول استىندا جاتتىعۋدا.
«بٷگٸن شارداراعا جۇمىس ساپارىمدا سٸزدەرمەن ارنايى جولىعۋدى جٶن كٶردٸم. سەبەبٸ شاردارا سپورتشىلارى قازاقستاندى عانا ەمەس, ەلەمدٸ مويىنداتىپ جٷر. بۇل رەتتە باپكەرلەردٸڭ ەڭبەگٸن ايتا كەتكەن جٶن. شاردارالىق جاستاردىڭ سپورتقا قىزىعۋشىلىعى قۋانتادى. قازاقستاننىڭ ەشبٸر اۋدانىندا مۇنداي جەتٸستٸك جوق دەۋگە بولادى. قازٸرگٸ تاڭدا قول كٷرەسٸنەن شاردارادان 102 ەلەم چەمپيونى بار. سپورت سالاسىنداعى جەتٸستٸكتەرٸڭٸز بەن تابىستارىڭىز ارتا بەرسٸن. ٶڭٸرٸمٸزدە سپورت نىساندارى كٶبەيٸپ جاتىر. بٸز سپورتشىلاردى قولداۋعا ەرقاشان دايىنبىز», – دەگەن دارحان ساتىبالدى «شاردارا ارمسپورت» سپورت كلۋبىنا دەمەۋشٸلەر ەزٸرلەگەن اۆتوكٶلٸكتٸ تارتۋ ەتتٸ.
جۋىردا ٶتكەن ەلەم چەمپيوناتىنا كوماندانى باستاپ بارعان كوماندا كاپيتانى ماعجان شاميەۆ سىيلىقتى قابىلداپ, ٶڭٸر سپورتشىلارى ەردايىم ەل نامىسىن قورعاۋعا دايىن ەكەنٸن جەتكٸزدٸ.
تٷركٸستان وبلىسىندا گٸر سپورتى جەنە ارمرەستلينگ فەدەراتسيياسىن العاشقى بولىپ قۇرعان فەدەراتسييا پرەزيدەنتٸ ارمان قارسىباەۆتىڭ شەكٸرتتەرٸ بۇل كٷندەرٸ ەلەمدٸ مويىنداتىپ جٷر. سپورت فەدەراتسيياسى 2001 جىلى قۇرىلعان. ياعني, 21 جىلدىڭ ٸشٸندە 278 سپورتشى ازييا چەمپيونى, 391 سپورتشى قر-نىڭ چەمپيونى, 85 سپورتشى حالىقارالىق تۋرنيرلەردٸڭ جەڭٸمپازى اتانعان.
