تٷركٸستان وبلىسىندا تاسقىن سۋ سارىاعاش اۋدانىنىڭ باعىس اۋىلىن دا شايىپ كەتكەن. بۇل تۋرالى ٶڭٸردٸڭ تجد مەلٸمەت تاراتتى, دەپ حابارلايدى قازاقپارات.
كٷنٸ كەشە قاتتى جاۋىن سالدارىنان قازىعۇرت اۋدانىنىڭ 4 ەلدٸ مەكەنٸن سۋ شايىپ كەتكەن بولاتىن. توپان سۋ سارىاعاش اۋدانىنىڭ باعىس اۋىلىندا 53 ٷيدٸڭ اۋلاسىنا, 18 ٷيدٸڭ, 1 تويحانانىڭ, 16 شارۋاشىلىق قۇرىلىستىڭ ٸشٸنە سۋ كٸرگەنٸ انىقتالىپ وتىر. سۋ باسقان اۋماقتاردان 50 ادام ەۆاكۋاتسييالانىپ, بارلىعى تۋىستارىنىڭ ٷيلەرٸنە تارالدى. سونداي-اق ٷي جانۋارلارى قىرىلعان, سانى انىقتالۋدا. قازٸر بۇل اۋماقتاردا جەرگٸلٸكتٸ اتقارۋشى جەنە تٶتەنشە جاعداي بٶلٸمٸنٸڭ قىزمەتكەرلەرٸ تاراپىنان اۋماقتان سۋ سورىپ شىعارۋ جۇمىستارى جٷرگٸزٸلۋدە.
«اۋداندىق ٶرت سٶندٸرۋ بٶلٸمٸ مەن بەكەتتەرٸنٸڭ, جەرگٸلٸكتٸ اۋىل ەكٸمدٸكتەردٸڭ ۇيىمداستىرۋىمەن سۋ سورعىشتار كٶشەلەر مەن ٷيدٸڭ اۋلالارىنا تولعان سۋدى شىعارۋ جۇمىستارىمەن اينالىسۋدا. جۇمىسقا تج تٶتەنشە جاعدايلار دەپارتامەنتٸنٸڭ 56 قىزمەتكەرٸ, 9 بٸرلٸك تەحنيكا, 11 موتوپومپا جەنە جەرگٸلٸكتٸ اتقارۋشى ورگانداردىڭ 19 قىزمەتكەر, 6 بٸرلٸك تەحنيكا, 2 موتوپومپا كٷشتەرٸمەن سۋدى سورۋ جەنە ارىقتاردى تازالاۋ جۇمىستارى جٷرگٸزٸلۋدە. سونىمەن قاتار كٶشەلەردٸ, ٷيلەردٸڭ اۋلالارىن سۋ باسۋ فاكتٸسٸنە بايلانىستى اۋدان ەكٸمدٸگٸنٸڭ جەدەل جەلٸسٸ ٸسكە قوسىلىپ, تۇرعىندار تاراپىنان حابارلامالار تٷسكەن جاعدايدا شۇعىل ٸس-شارالار اتقارىلۋدا» دەلٸنگەن وبلىستىق تجد باسپاسٶز قىزمەتٸ تاراتقان حابارلامادا.
