تٷركٸستان وبلىسىنداعى ٶرتتەن قويشى قازا تاۋىپ, مىڭنان اسا قوي قىرىلدى. بۇل تۋرالى قر تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەلي مەلٸمدەدٸ, دەپ حابارلايدى Tengrinews.kz اگەنتتٸگٸ.
بەيدٸبەك اۋدانى العاباس اۋىلىنان بەس شاقىرىم جەردەگٸ شارۋا قوجالىعى اۋماعىنداعى مال ۇستايتىن ەكٸ قاباتتى عيماراتتان ٶرت شىققان. حابارلاما 101-گە 31 قاڭتاردا ساعات 7.15-تە تٷسكەن.
عيماراتتىڭ بٸرٸنشٸ قاباتىندا ۇساق مال ۇستالسا, ەكٸنشٸ قاباتىندا شٶپ ساقتالعان. فەرمادان جاقىن ماڭداعى ٶرت سٶندٸرۋ بەكەتٸنە دەيٸنگٸ ارالىق 40 شاقىرىم بولادى. ٶرت سٶندٸرۋشٸلەر وقيعا ورنىنا 40 مينۋتتا جەتكەن.
سالدارىنان 1150 باس قوي مەن 150 توننا سىعىمدالعان شٶپ ٶرتەنٸپ كەتتٸ. وقيعا ورنىنان شوپاننىڭ دەنەسٸ تابىلدى.
تٶتەنشە جاعدايلار مينيسترلٸگٸنٸڭ مەلٸمەتٸنشە, ٶرت 09.37-دە وقشاۋلانىپ, 10.23-تە اۋىزدىقتالعان. ٶرت اۋماعى 781 شارشى مەتر بولادى. ٶرتتٸڭ شىعۋ سەبەبٸ انىقتالىپ جاتىر. ٶرت سٶندٸرۋگە تٷركٸستان وبلىسى تٶتەنشە جاعدايلار دەپارتامەنتٸنٸڭ 15 ٶرت سٶندٸرۋشٸسٸ مەن 4 بٶلٸمشەسٸ جۇمىلدىرىلدى.
