تٷركٸستاندا وبلىس ەكٸمٸ دارحان ساتىبالدىنىڭ تٶراعالىعىمەن سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ كوميسسييانىڭ وتىرىسى ٶتتٸ, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
وعان قر سىبايلاس جەمقورلىققا قارسى ٸس-قيمىل اگەنتتٸگٸنٸڭ پرەۆەنتسييا قىزمەتٸنٸڭ باسشىسى سايان احمەتجانوۆ, كوميسسييا مٷشەلەرٸ, قۇقىق قورعاۋ, مەملەكەتتٸك ورگان جەنە جەرگٸلٸكتٸ اتقارۋشى ورگان باسشىلارى, وبلىستىق قوعامدىق كەڭەس مٷشەلەرٸ مەن باق ٶكٸلدەرٸ, سونداي-اق بەينەبايلانىس ارقىلى قالا/اۋدان ەكٸمدەرٸ قاتىستى.
اگەنتتٸك ەر ايماقتا بەلەڭ العان جەمقورلىق فاكتٸلەرٸنٸڭ نەگٸزٸندە سىبايلاس جەمقورلىق تەۋەكەلدەر كارتاسىن ەزٸرلەگەن. بۇل تۋرالى مەلٸم ەتكەن سايان احمەتجانوۆ تٷركٸستان وبلىسىنىڭ تەۋەكەلدەر كارتاسىنا ٶڭٸردە جەمقورلىق جيٸ ۇشىراساتىن سالالار مەن شەشٸمٸن تاپپاي كەلگەن تٷيتكٸلدٸ مەسەلەلەردٸڭ ەنگٸزٸلگەنٸن باياندادى.
«قازٸرگٸ تاڭدا اگەنتتٸكتٸڭ ٶڭٸرلەردە جۇمىس ٸستەۋٸنٸڭ باستى باعىتىنىڭ بٸرٸ – وسى تەۋەكەلدەر كارتاسى. سوندىقتان جەمقورلىقتىڭ الدىن الۋ دەڭگەيٸن ۇدايى جەتٸلدٸرٸپ وتىرۋ اسا ماڭىزدى. اگەنتتٸگٸنٸڭ ماقساتى – قىلمىستىق ٸستٸ بولدىرماۋ, الدىن الۋ. تٷركٸستان ٶڭٸرٸندە جەر, سۋ, جول مەسەلەلەرٸ مەن باسقا دا ەلەۋمەتتٸك جاعدايلارعا سەيكەس جۇمىس جوسپارلى تٷردە اتقارىلۋدا», – دەدٸ سايان احمەتجانوۆ.
كوميسسييا وتىرىسىنا تٶراعالىق ەتكەن وبلىس ەكٸمٸ دارحان ساتىبالدى كٷن تەرتٸبٸندە قارالاتىن مەسەلەلەرگە توقتالىپ, سىبايلاس جەمقورلىقتىڭ الدىن -الۋ شارالارىن نىعايتۋ – مەملەكەت ساياساتىنىڭ باسىم باعىتتارىنىڭ بٸرٸ ەكەندٸگٸن ايرىقشا اتاپ ٶتتٸ.
«مەملەكەت باسشىسىنىڭ سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ كەڭەستە سىبايلاس جەمقورلىقپەن ىمىراسىز كٷرەسۋ مەملەكەتتٸك ساياساتتاعى نەگٸزگٸ باسىمدىقتىڭ بٸرٸ ەكەنٸن, زاڭ ٷستەمدٸگٸن ورناتىپ, ناعىز قۇقىقتىق مەملەكەت قۇرۋ ٷشٸن, ەڭ الدىمەن, جەمقورلىقتىڭ تامىرىنا بالتا شابۋ كەرەكتٸگٸن ناقتى اتاپ ٶتتٸ. جالپى, وبلىستا سىبايلاس جەمقورلىقپەن جان-جاقتى كٷرەسۋ مەسەلەسٸ كٷن تەرتٸبٸنەن تٷسكەن ەمەس. بٷگٸنگٸ مەجٸلٸس بۇل وسى باعىتتاعى جۇمىستاردا بەلسەندٸ سەرپٸن بەرەتٸنٸنە سەنٸمدٸمٸن», – دەدٸ وبلىس ەكٸمٸ.
جيىندا سٶز العان اگەنتتٸكتٸڭ تٷركٸستان وبلىسى بويىنشا دەپارتامەنتٸنٸڭ باسشىسى قانات قوجاحمەتوۆ پروبلەمالىق مەسەلەلەردٸ شەشۋگە باعىتتالعان كارتا اياسىندا اۋماقتىق دەپارتامەنتپەن اتقارىلعان جۇمىستاردى اتادى. كوميسسييا وتىرىسىندا وبلىس ەكٸمٸنٸڭ بٸرٸنشٸ ورىنباسارى ارمان جەتپٸسباي وبلىس اۋماعىندا سىبايلاس جەمقورلىقتىڭ الدىن-الۋ بويىنشا اتقارىلىپ جاتقان شارالارعا توقتالدى.
وبلىس اۋماعىندا سىبايلاس جەمقورلىقتىڭ الدىن الۋ جەنە جويۋ بويىنشا جٷيەلٸ جۇمىس جالعاسۋدا. وبلىس ەكٸمدٸگٸ «سىبايلاس جەمقورلىقتىڭ الدىن الۋ جەنە وعان قارسى ٸس-قيمىل» ٷلگٸلٸك بازالىق باعىتىن ٸسكە اسىرۋعا باعىتتالعان قاجەتتٸ شارالاردى قابىلداعان. جوبالىق كەڭسە قۇرىلىپ, ەكٸمدٸك قىزمەتكەرلەرٸنەن جوبالىق توپتار قۇرىلدى. وبلىستىڭ بارلىق باسقارمالارى مەن كۆازيمەملەكەتتٸك ۇيىمدارىندا سىبايلاس جەمقورلىق تەۋەكەلدەرٸنە ٸشكٸ تالداۋ جٷرگٸزٸلدٸ. پيلوتتىق جوبا رەتٸندە, پارا الۋ فاكتٸسٸمەن كٷدٸكتٸ دەپ تانىلعانداردىڭ سوت وتىرىسىنا سىبايلاس جەمقورلىق ٸس-ەرەكەتتەرٸنٸڭ سالدارى تۋرالى مەملەكەتتٸك قىزمەتشٸلەردٸڭ ساناسىنا ەسەر ەتۋ ماقساتىندا ەرٸپتەستەرٸ قاتىستىرىلۋدا.
جيىن سوڭىن قورتىندىلاعان ٶڭٸر باسشىسى دارحان امانگەلدٸۇلى باسقارما باسشىلارى مەن اۋدان/قالا ەكٸمدەرٸنە سىبايلاس جەمقورلىق قۇقىقبۇزۋشىلىقتارىنا جول بەرگەن ەربٸر تۇلعانىڭ جاۋاپكەرشٸلٸگٸ ەسكەرۋسٸز قالمايتىنىن قاتاڭ ەسكەرتٸپ, كٷن تەرتٸبٸندە قارالعان سالالار مەن مەسەلەلەر بويىنشا ناقتى تاپسىرمالار بەردٸ.
