فوتو: كم
تٷركٸستان وبلىسىندا حالىقارالىق ترانزيتتٸك ەلەۋەتتٸ ارتتىرۋعا باعىتتالعان ٸرٸ ينفراقۇرىلىمدىق جوبالاردىڭ بٸرٸ – «سارىاعاش اينالما جولى» اۆتوجولىنىڭ قۇرىلىسى رەسمي تٷردە باستالدى, دەپ حابارلايدى Ult.kz.
جاڭا اينالما جول ترانزيتتٸك كٶلٸكتەردٸ قالا اۋماعىنان شىعارىپ, سارىاعاشتاعى جول جٷكتەمەسٸن ەدەۋٸر ازايتۋعا مٷمكٸندٸك بەرەدٸ. سونىمەن قاتار, بۇل باعىت ارقىلى ٶزبەكستانعا قاتىنايتىن كٶلٸك قوزعالىسى جىلدامداي تٷسەدٸ.
جوبا اياسىندا ۇزىندىعى 102,6 شاقىرىم بولاتىن I-ا ساناتتاعى تٶرت جولاقتى زاماناۋي اۆتوجول سالۋ جوسپارلانعان. جول حالىقارالىق ستاندارتتارعا ساي بولىپ, قاۋٸپسٸز ەرٸ ٷزدٸكسٸز قوزعالىستى قامتاماسىز ەتەدٸ.
سونىمەن قاتار ٶڭٸردە جول ينفراقۇرىلىمىن جاڭعىرتۋ جۇمىستارى دا قارقىندى جٷرگٸزٸلٸپ جاتىر. قازٸرگٸ تاڭدا رەسپۋبليكالىق ماڭىزى بار اۆتوجولداردىڭ جالپى ۇزىندىعى 678 شاقىرىمدى قۇرايدى. بيىل نەگٸزگٸ باعىتتاردا جالپى ۇزىندىعى 99,2 شاقىرىم بولاتىن 5 كٷردەلٸ جەنە ورتاشا جٶندەۋ جوباسى جٷزەگە اسىرىلۋدا. ولاردىڭ قاتارىندا كٶلٸك جولايرىقتارى مەن كٶپٸرلەردٸ قايتا جاڭارتۋ جۇمىستارى دا بار.
ال 2026 جىلى «شىمكەنت – قىزىلوردا» اۆتوجولىنىڭ 103 شاقىرىمىندا ورتاشا جٶندەۋ جٷرگٸزۋ جوسپارلانىپ وتىر. بۇل جوبالار اياسىندا قوزعالىستى باقىلاۋدىڭ اۆتوماتتاندىرىلعان جٷيەلەرٸ ورناتىلماق.
جالپى, اتالعان جوبالاردى كەشەندٸ ٸسكە اسىرۋ ٶڭٸردە زاماناۋي ەرٸ قاۋٸپسٸز جول جەلٸسٸن قالىپتاستىرىپ, كٶلٸك قىزمەتٸنٸڭ ساپاسىن ارتتىرۋعا جەنە قازاقستاننىڭ ورتالىق ازيياداعى ترانزيتتٸك ەلەۋەتٸن نىعايتۋعا مٷمكٸندٸك بەرەدٸ.
