Foto: KM
Túrkistan oblysynda halyqaralyq tranzittik áleýetti arttyrýǵa baǵyttalǵan iri infraqurylymdyq jobalardyń biri – «Saryaǵash ainalma joly» avtojolynyń qurylysy resmi túrde bastaldy, dep habarlaidy Ult.kz.
Jańa ainalma jol tranzittik kólikterdi qala aýmaǵynan shyǵaryp, Saryaǵashtaǵy jol júktemesin edáýir azaitýǵa múmkindik beredi. Sonymen qatar, bul baǵyt arqyly Ózbekstanǵa qatynaityn kólik qozǵalysy jyldamdai túsedi.
Joba aiasynda uzyndyǵy 102,6 shaqyrym bolatyn I-a sanattaǵy tórt jolaqty zamanaýi avtojol salý josparlanǵan. Jol halyqaralyq standarttarǵa sai bolyp, qaýipsiz ári úzdiksiz qozǵalysty qamtamasyz etedi.
Sonymen qatar óńirde jol infraqurylymyn jańǵyrtý jumystary da qarqyndy júrgizilip jatyr. Qazirgi tańda respýblikalyq mańyzy bar avtojoldardyń jalpy uzyndyǵy 678 shaqyrymdy quraidy. Biyl negizgi baǵyttarda jalpy uzyndyǵy 99,2 shaqyrym bolatyn 5 kúrdeli jáne ortasha jóndeý jobasy júzege asyrylýda. Olardyń qatarynda kólik jolairyqtary men kópirlerdi qaita jańartý jumystary da bar.
Al 2026 jyly «Shymkent – Qyzylorda» avtojolynyń 103 shaqyrymynda ortasha jóndeý júrgizý josparlanyp otyr. Bul jobalar aiasynda qozǵalysty baqylaýdyń avtomattandyrylǵan júieleri ornatylmaq.
Jalpy, atalǵan jobalardy keshendi iske asyrý óńirde zamanaýi ári qaýipsiz jol jelisin qalyptastyryp, kólik qyzmetiniń sapasyn arttyrýǵa jáne Qazaqstannyń Ortalyq Aziiadaǵy tranzittik áleýetin nyǵaitýǵa múmkindik beredi.
