بٷگٸن قازاقستان رەسپۋبليكاسىنىڭ مەملەكەتتٸك كەڭەسشٸسٸ ەرلان قاريننٸڭ تٶراعالىعىمەن مەملەكەتتٸك رەمٸزدەر مەن ۆەدومستۆولىق جەنە ولارعا تەڭەستٸرٸلگەن ٶزگە دە ناگرادالار گەرالديكاسى مەسەلەلەرٸ جٶنٸندەگٸ رەسپۋبليكالىق كوميسسييانىڭ وتىرىسى ٶتتٸ. جيىندا ٷش مەسەلە تالقىلاندى.
بٸرٸنشٸ مەسەلە بويىنشا قر مەدەنيەت جەنە سپورت مينيسترٸ دەۋرەن اباەۆ بايانداما جاسادى. ول مەملەكەتتٸك رەمٸزدەردٸڭ 30 جىلدىعىنىڭ قورىتىندىسى جەنە ۆەدومستۆولىق ناگرادالار جەنە گەرالديكالىق بەلگٸلەر مەسەلەلەرٸ بويىنشا نورماتيۆتٸك-قۇقىقتىق اكتٸلەردٸ جەتٸلدٸرۋ جٶنٸندەگٸ ۇسىنىستار تۋرالى ايتتى. كٷن تەرتٸبٸندەگٸ ەكٸنشٸ مەسەلە بويىنشا قازاقستان رەسپۋبليكاسى سىبايلاس جەمقورلىققا قارسى ٸس-قيمىل اگەنتتٸگٸنٸڭ مەملەكەتتٸك رەمٸزدەردٸ ناسيحاتتاۋ مەن قولدانۋ سالاسىنداعى جۇمىستار سارالاندى.
كوميسسييا وتىرىسى كٷن تەرتٸبٸنٸڭ ٷشٸنشٸ مەسەلەسٸ بويىنشا الماتى, پاۆلودار, تٷركٸستان وبلىسى ەكٸمدٸكتەرٸنٸڭ مەملەكەتتٸك رەمٸزدەردٸ پايدالانۋ, قولدانۋ جەنە ناسيحاتتاۋ جٶنٸندەگٸ تەجٸريبەلەرٸ تىڭدالدى. تٷركٸستان وبلىسىنىڭ ەكٸمٸ دارحان ساتىبالدى وبلىستا وسى باعىتتا اتقارىلعان جۇمىستارعا توقتالدى.
«ٶزدەرٸڭٸزگە بەلگٸلٸ, بۇل جىل قازاقستان رەسپۋبليكاسىنىڭ مەملەكەتتٸك رەمٸزدەرٸنٸڭ 30 جىلدىعىن مەرەكەلەۋمەن ەرەكشە. اتالعان مەرەكە شەڭبەرٸندە وبلىستا ارنايى ەزٸرلەنگەن ٸس-شارالار جوسپارىنا سەيكەس تيٸستٸ جۇمىستار جٷرگٸزٸلۋدە. 30 جىلدىق اياسىندا ورداباسى اۋدانىندا «رەمٸزدەر الاڭى» اشىلىپ, كەنتاۋ قالاسى مەن تٶلەبي, قازىعۇرت اۋداندارىندا تۋتۇعىر ورناتىلدى. وبلىستاعى بارلىق الاڭدار مەن ساياباقتاردا قالىڭ جۇرتشىلىقتىڭ قاتىسۋىمەن رەمٸزدەر كٷنٸن اتاپ ٶتۋ, پاتريوتتىق ٸس-شارالار ٶتكٸزۋ, مەملەكەتتٸك قىزمەتكەرلەر مەن ەسكەري قىزمەتشٸلەردٸڭ انت قابىلداۋى جىل سايىنعى ٷردٸس رەتٸندە قالىپتاسقان», – دەدٸ دارحان ساتىبالدى.
تٷركٸستان ٶڭٸرٸندە مەملەكەتتٸك رەمٸزدەردٸڭ 30 جىلدىعى مەرەكەسٸن ناسيحاتتاۋ ماقساتىندا وبلىستاعى 17 اۋدان, قالاداعى 244 كونسترۋكتسييادا (بيلبورد – 225, باننەر – 7, لەد-ەكران – 12) يدەولوگييالىق ماتەريالدار ورنالاستىرىلعان. وبلىستىق, اۋداندىق جەنە قالالىق دەڭگەيدە پاتريوتتىق ٸس-شارالار ۇيىمداستىرىلعان.
25 مامىر – 6 ماۋسىم ارالىعىندا وبلىستا مەملەكەتتٸك رەمٸزدەردٸڭ قولدانىلۋى مەن ورنالاستىرىلۋى بويىنشا مونيتورينگ جۇمىستارى جٷرگٸزٸلدٸ. اۋدان, قالالارداعى 300 مەكەمە زەردەلەنٸپ, انىقتالعان كەمشٸلٸكتەر جويىلىپ, ەدٸستەمەلٸك كٶمەك كٶرسەتٸلگەن.
